Ааптар түһэриитэ.
Режиссер Михаил Лукачевскай «Триумф» киинэтэ кэтэһиилээх уонна саха норуотугар улахан суолталаах. Тоҕо диэтэр, кылаан чыпчаалга сирдээбит үс олимпийскай чөмпүйүөн устуоруйата билигин да хатылана илик.
Саҥа суолу арыйыы, аан дойду таһымыгар тахсыы, кыайыыга дьулуһуу, бэйэни кыайыы, туруулаһыы, сыралаах үлэ — барыта бу киинэҕэ баар. Ыра санаа сулус буолан умайара, кырачаан уолаттар биирдэ ылыммыт суолларыттан туораабакка, иннилэрин диэки баран иһэллэрэ, оччотооҕу олох түгэннэрэ итэҕэтиилээхтик көстөллөр.
Алтынньы 9 күнүгэр »Лена» киинэ тыйаатырыгар »Триумф» киинэни суруналыыстарга көрдөрдүлэр. Фойеҕа үс олимпиец 1972, 1976 сыллардаахха ылбыт мэтээллэрэ, спортивнай көстүүмнэрэ, улуу тириэньэр Коркин туһунан кинигэлэр быыстапкалара көрдөрүүгэ турбуттар.
Алексей Егоров, »Сахафильм» салайааччыта:
— Улахан, далааһыннаах, биһиги бары тумус туттар дьоммут туһунан киинэ таҕыста. Спорт миниистирэ Леонид Спиридонов идиэйэ киллэрбит киһинэн буолар. Уолаттар икки аҥаар ыйы быһа анаан эрчиллибиттэрэ. Долгуйабыт, көрөөччү үчүгэйдик ылыныа диэн эрэнэбит, оччотугар атын эрэгийиэннэргэ, тас дойдуларга да кынаттанан көтүө этэ дии саныыбыт.
Михаил Лукачевскай, режиссер:
— Эҕэрдэлиир эрдэ дии саныыбын. Алтынньы 17 күнүгэр улахан экраҥҥа көстүөҕэ. Саха киинэтин кистэлэҥин куруук таайа сатыыллар. Киинэни оҥорооччулар этэбит: ол кистэлэҥмит — биһиги көрөөччүбүт. Эһиги хайдах сыанлыыргытыттан улахан тутулуктаах.
Спорт миниистирэ Леонид Спиридонов бырабыыталыстыбаҕа, Ил Дархаҥҥа үбүлээбиттэригэр махтанна уонна саха дьонун спорт туһунан дьоһун киинэ тахсыбытынан эҕэрдэлээтэ.
— Билигин ыччаты дойдуга тапталга иитии күүскэ барар. Кинилэргэ бу киинэни көрөн, дойдуга, спорка таптал иэйиитэ күөдьүйүө диэн эрэнэбит, — диэн эттэ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…