«Триумф» успуорт уораҕайыгар саҥа тренажернай саала арылынна

«Триумф» успуорт уораҕайыгар саҥа тренажернай саалана арыйар лиэнтэни быһыы үөрүүлээх тэрээһинигэр Арассыыйаҕа чэпчэки атлетикаҕа успуорт маастара Айаал Сивцев, Арассыыйаҕа боксаҕа успуорт үтүөлээх маастара Василий Егоров, норуоттар икки ардыларынааҕы кылаастаах успуорт маастара Сардаана Трофимова уонна кикбоксиҥҥа Арассыыйа успуордун маастара Михаил Иванов, СӨ сүүмэрдэммит хамаандаларын успуорка бэлэмниир өрөспүүбүлүкэтээҕи киин дириэктэрэ Михаил  Пахомов кытыннылар.

Тэрээһин чэрчитинэн кыттааччыларга сэргэх оонньуулар ыытылыннылар. Бырааһынньыкка кыттааччы бары бэлэх туттулар, тордунан күндүлээтилэр

«Саҥа тренажернай саала куорат олохтоохторугар успуорка үрдүк түмүктэрин ситиһэргэ дьоһун хардыы буолуо диэн эрэнэбит. Эрчиллиигэ уонна саҥа кыайыыларга бары ситиһиилэри баҕарабыт! Тренажернай саала сарсыарда 09:00- тан киэһэ 22:00 диэри тохтобула суох күн аайы үлиир. Сыаната 400 солк. Билиҥҥи кэмҥэ абонеменнар бэриллбэттэр», — диэн «Триумф» успуорт уораҕайын пресс-сулууспата суруйар.