Хаартыска: Өрөспүүбүлүкэтээҕи 2 №-дээх балыыһа пресс-киинэ
Өрөспүүбүлүкэтээҕи 2 №-дээх балыыһаҕа-Суһал мэдиссиинискэй көмө киинигэр ааспыт сыл бүтүүтэ Тымыр эрэгийиэннээҕи киинин иһинэн үлэлиир телетромболизис сүрүн киинэ аһыллыбыта.
Санатан эттэххэ, былырыын балыыһаҕа РФ Доруобуйа харыстабылын министиэристибэтин штаты таһынан сүрүн невролога, бэрэпиэссэр Николай Шамалов салайааччылаах РФ Доруобуйа харыстабылын министиэристибэтин неврологтарын биригээдэтэ кэлэ сылдьыбыта. Онно Өрөспүүбүлүкэтээҕи 2 №-дээх балыыһа быраастарыгар телетромболизиһы туһаныыга маастар-кылаас ыытыллыбыта.
— Билигин ТелеПСО ситимин оҥоруу көмөтүнэн өрөспүүбүлүкэ ыраах сытар нэһилиэнньэлээх пууннарыгар, чуолаан эмтэнээччилэр олорор сирдэригэр үрдүк технологиялаах мэдиссиинискэй көмө табыгастаах буолан иһэр, — диэн СӨ Доруобуйа харыстабылын министиэристибэтин мэйиигэ хаан эргиирэ кэһиллиитин кытары үлэҕэ кылаабынай исписэлииһэ, мэйиигэ хаан эргиирэ кэһиллиитин отделениетын сэбиэдиссэйэ Саргылана Шарина иһитиннэрдэ. — Тромболитическай терапияны оҥорорго онуоха бэриллибит көмүс бириэмэни мүччү туппат буолуу (инсульт саҕаланыаҕыттан 4,5 чаас) олус суолталаах. Оттон Саха сирин географията уратылааҕынан, нэһилиэнньэлээх пууннара ыраах сыталларынан, тромболизис олус наадалаах. Тромболизиһы Дьокуускайга ыарыһаҕы тириэрдэргэ күндү бириэмэни сүтэрбэт туһугар миэстэтигэр тутталлар. Онуоха тэлэмэдиссиинэ көмөҕө кэлэр. Тромболизиһы Өрөспүүбүлүкэтээҕи 2 №-дээх балыыһа нейрореанимациятын быраастара ыраахтан хонтуруоллааһыннарынан оҥоруохха сөп. Сүрүнэ, улуустааҕы балыыһаҕа көмпүүтэр томограба, невролог, дьуһуурунай терапевт, реаниматолог уонна телеконсультацияҕа кыайан киирэр кыах баар буолуохтарын наада. Ол гынан баран, улуус балыыһаларыгар барыларыгар невролог-быраастар баар буолбатахтар. Ол иһин, бу процедураны сүрүннээн терапевтар реаниматологтары кытары оҥороллор. Онтон бастакы көмө оҥоһуллубутун кэннэ ыарыһах салҕыы эмтэнэригэр, доруобуйатын чөлүгэр түһэрэригэр Дьокуускайга аҕалыахха сөп.
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…
Бүгүн, ахсынньы 10 күнүгэр, Саха сирин сорох улуустарыгар -49 кыраадыс буолара күүтүллэр диэн УГМС иһитиннэрэр.…
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…