Труд уулуссатыгар турбут массыыналары тиэйэн барыахтара. Тоҕо?

Дьокуускайга Труда уулуссаҕа оптуобус, айан-сырыы суолун мэһэйдии үгүс массыына  турар. Тохсунньуттан Труда уулусса өрөмүөннэммит суолунан олохтоохтор көрдөһүүлэринэн маршрутнай оптуобус сырыыта саҕаламмыта.

Бу туһунан куорат дьаһалтатын пресс-сулууспата иһитиннэрэр. Оптуобус сырыытыгар, дьон киирэригэр-тахсарыгар, суолу туорууругар суол кытыытынан турбут үгүс массыына мэһэйдиир. Инньэ гынан сырыы-айан суола олус сэрэхтэммит, харгыстаммыт. Кэлэр нэдиэлэттэн Труда уулуссаҕа маннык мэһэйдии турбут массыыналары анал тиэйэр тимир көлө кэлэн илдьэ барар буолар. Ону тэҥэ, массыынаны ити уулуссаҕа сыыһа туруордахха, ыстырааптаныахха эмиэ сөп.