Туһалаах лааҕыр

Горнай улууһугар Атамайга аҕыйах хонуктааҕыта арыллыбыт саҥа элбэх функцияны толорор (МФЦ) кииҥҥэ, бибилэтиэкэ иһинэн «Книголюбы» диэн библио-лааҕыр үлэлиир.

Бу олохтоох бибилэтиэкэ сэбиэдиссэйэ Елизавета Ефремова салайар лааҕыра. Лааҕыр сыала-соруга: оҕолору кинигэҕэ сыһыарыы, саха суруйааччыларын, айымньыларын билиһиннэрии. Лааҕыр тэрээһинигэр, бастатан туран, араас тиэмэлээх квиз-оонньуулар, бэсиэдэлэр, билии чаастара ыытыллаллар. Иккис чааһыгар спортивнай оонньуулар, күрэстэр, үһүс чааска айымньылартан уруһуйдар, викториналар күүтэллэр.

Быйыл лааҕыр арыллыытыгар 30-тан тахса оҕо сырытта. Манна 7-14 саастаах оҕолор кэлэллэр.  Быйыл Алдантан, Мэҥэ Хаҥаластан, Горнайтан сылдьыбыттара чопчуланна.

Валентина Яковлева,

Атамай, Горнай.

Елизавета Ефремова хаартыскаҕа түһэриитэ