СИА хаартыската
2025 сыл кулун тутар 1 күнүттэн Сир кодексыгар уларытыылар киирбиттэрэ, ол чэрчитинэн, саадка, оҕуруокка аналлаах учаастактар, хаһаайын туһаммат буоллаҕына, былдьаналлар. «Росреестр» эспиэрдэрэ бу боппуруоһу сиһилии быһаардылар.
Сир кодексыгар уларыйыы киирбитинэн, учаастак хаһаайына 3 сыл иһинэн туһаммакка сытар учаастагын туһаҕа таһаарыахтаах. Бу саадка, оҕуруокка анаммыт уонна нэһилиэнньэлээх пууннар кыраныыссаларыгар сытар учаастактарга сыһыаннаах. Быраҕыллан сытар учаастактар хаһаайыннарын ыстарааптыахтарын уонна былдьыахтарын сөп.
Сорох порталларга «туһаныллыбат учаастактары судургутуллубут бэрээдэгинэн былдьыахтара» диэн суруйуулар тарҕаннылар. Ол эрээри, «судургутуллубут бэрээдэк» суох диэн «Росреестр» эспиэрдэрэ этэллэр.
Бу сокуоҥҥа уларытыы сүрүннээн бадарааннаах, уулаах сиргэ баар, эбэтэр, бөҕүнэн бүрүллүбүт учаастактарга сыһыаннаах. Онон хаһаайын 3 сыл иһинэн учаастагын бөхтөн ыраастыахтаах, куурдуохтаах, тэҥниэхтээх, о.д.а. үлэни ыытыахтаах. Ол кэнниттэн дьиэ-уот туттуохтаах, эбэтэр, тыа хаһаайыстыбатынан дьарыктаныахтаах. Бу кэмтэн кини учаастагын туһанарыгар-туһамматыгар дьэ, эппиэтинэһи сүгэр.
Өскөтүн бу 3 сыл кэнниттэн да учаастак туһаныллыбата бигэргэммит буоллаҕына, таах былдьаан ылбаттар — бастаан бириэмэ биэрэллэр. Саҥа сокуонунан, киниэхэ өссө 5-7 сыл бэриллэр.
Холобур, тутууга анаммыт учаастакка, бэлэмнэниигэ бэриллибит 3 сыл кэнниттэн, өссө 5-7 сылы быһа туох да тутуу ыытыллыбатах буоллаҕына, суукка биэрэллэр, онтон суут быһаарыытынан, былдьыахтарын сөп.
Кулун тутар 1 күнүн кэнниттэн атыылаһыллыбыт учаастактарга болдьох ол регистрацияламмыт күнүттэн ааҕыллар. Оттон ол иннинэ, урут атыылаһыллыбыт учаастактарга 2025 сыл кулун тутар 1 күнүттэн ааҕыллар.
Аллараа Бэстээхтэн Благовещенскайдыыр буойаска 37 саастаах дьахтар итирэн баран буойаска охсуспут, айдаарбыт. Кини үөхсүбүт, этиспит,…
Бэҕэһээ «Время героев» бырагыраама кыттыылааҕа Арассыыйа Дьоруойа Дмитрий Куценко Өлүөхүмэ улууһун ыраах сытар Токко нэһилиэгэр…
Кууркаҕыт уһуннук сулууспалыырын туһугар сөпкө көрүөххүтүн, харайыаххытын наада. Пуховигы хайдах сууйабыт, ыраастыыбыт уонна харайабыт? Сөпкө…
Хаҥаластааҕы «Бөртө» ТХПК сылгылара Өлүөнэ өрүһү туораан, арыыга мэччирэҥҥэ таҕыстылар: https://t.me/ysiaru/88406
Саха сириттэн төрүттээх Артур Бурцев 15 км сүүрүүгэ Арассыыйа чөмпүйэнээтигэр боруонса призер буолары ситистэ. Күрэхтэһии…
Оҕо уһуйааҥҥа сылдьарыгар адаптацията хайдах ааһыахтааҕын туһунан Объясняем.рф телеграм-ханаал быһаарар: [gallery ids="240608,240613,240610,240609,240612,240611"]