Туһунан категориялаах дьону үлэҕэ ылыыны көҕүлээн, 70-тан тахса киһини үлэҕэ киллэриэхтэрэ

Өрөспүүбүлүкэҕэ 2025 сылга туһунан категориялаах дьону үлэҕэ ылыыны көҕүлээн, 74 киһини үлэҕэ киллэриэхтэрэ, диэн Дьарыктаах буолуу судаарыстыбаннай кэмитиэтэ иһитиннэрэр.

Дойду бэрэсидьиэнэ Владимир Путин көҕүлээбит «Кадырдар» национальнай бырайыак «Дьарыктаах буолууну көҕүлүүр көхтөөх миэрэлэр» федеральнай бырайыагын чэрчитинэн, 2025 сылга туһунан категориялаах дьону үлэҕэ ылыыны көҕүлүүр тэрээһин олоххо киирэн эрэр. Ол курдук, үлэ биэрээччилэргэ маннык категориялаах дьону үлэҕэ ыллахтарына, хамнастарыгар ыытар ороскуоттарын сорҕото  эрэгийиэннээҕи коэффициенынан уонна страховка усунуоһунан улаатыннарыллыбыт хамнас алын кээмэйинэн төннөрүллэр.

Саха сиригэр 15 үлэ биэрээччи сайабылыанньа биэрбититтэн , 21 киһи — соҕотох уонна элбэх оҕолоох алта төрөппүт,  анал дьайыы икки бэтэрээнэ уонна 13 инбэлиит үлэҕэ ылылыннылар.

Бу дьон маннык хайысхаларынан үлэ буллулар: «Добыча полезных ископаемых», «Обеспечение электрической энергией, газом и паром, кондиционирование воздуха», «Водоснабжение, водоотведение, организация сбора и утилизации отходов, деятельность по ликвидации загрязнений», «Транспортировка и хранение», «Торговля оптовая и розничная», «Ремонт автотранспортных средств и мотоциклов», «Деятельность административная».

Бу тэрээһин чэрчитинэн үлэҕэ ылыллар бырааптаах дьонунан байыаннай дьайыы кыттыылаахтара, бойобуой дьайыылар бэтэрээннэрэ, байыаннай сулууспаттан уурайбыт дьон, кинилэр дьиэ кэргэттэрэ, байыаннай сорудаҕы толоро сылдьан өлбүт дьон дьиэ кэргэттэрин чилиэннэрэ, инбэлииттэр, хаайыыттан босхоломмуттара биир сыл буолбут уонна ол тухары үлэ көрдүү сатыыр дьон, сокуоннай саастарын ситэ илик оҕолоох, инбэлиит оҕону иитэр соҕотох уонна элбэх оҕолоох төрөппүттэр, оҕо иитэ ылбыт дьон, эпэкииннэр (попечителлэр) буолаллар, диэн иһитиннэрэр Ил Дархан, бырабыыталыстыба пресс-сулууспата.