Бүтүн Арассыыйатааҕы «Саллаакка сурук» аахсыйа салҕанар.
Өлүөхүмэ улууһун үөрэхтээһиҥҥэ управлениетын начаалынньыгын солбуйааччы Туйаара Карташова оҕолор саллааттарга барыта 1000-тан тахса суругу ыыттыллар диэн кэпсиир.
— Биһиги оҕолорбут анал байыаннай эпэрээссийэҕэ сылдьар буойуттарбытыгар уруһуйдаах суруктарын ыыталлар. Аахсыйаҕа улууспут бары оскуолалара көхтөөхтүк кытталлар. Оҕолор саллааттарга барыта 1000-тан тахса суругу ыыттыллар.
Кинилэр бэйэлэрин тустарынан, инники былааннарын, ыра санааларын, оскуолаларын олоҕун уо.д.а. суруйаллар. Суруктарыгар байыастары дьиэлэригэр дьонноро наһаа күүтэллэрин, таптыылларын , ахталларын-саныылларын туһунан этэллэр. Түргэнник үтүөрэн кэлэллэригэр баҕараллар. Оҕолор бу суруктарын, урукку Аҕа дойду сэриитин кэмигэр курдук, эмиэ үс муннуктуу тутан баран, ыыталлар.
Оҕолор суруктара анал байыаннай эпэрээссийэҕэ сылдьар саллааттарга гуманитарнай көмөнү кытта бииргэ тиксэриллиэхтэрэ. Маны таһынан Өлүөхүмэ куоратын
2 №-дээх уонна 4 №-дээх оскуолалара буойуттарга туһаайан бэйэлэрин этиилэрин, баҕа санааларын видеоҕа устан ыыттылар.
Хаартыска: Depositphotos ылылынна
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…