СИА хаартыската.
Дьокуускай куоракка байыаннай сулууспалаахтар дьиэ кэргэттэригэр өйөбүлү оҥорор Киин салайааччыта Туйара Валерьевна Колесова киин куоракка олорор байыаннай сулууспалаахтар дьиэ кэргэттэригэр туох көмө, өйөбүл оҥоһулларын туһунан кэпсээтэ.
— Ааспыт сыл алтынньы 18 күнүттэн Дьокуускай куоракка тэриллибит байыаннай сулууспалаахтар дьиэ кэргэттэригэр өйөбүлү оҥорор Киин үлэлии турар. Муус устар 5 күнүнээҕи туругунан, Киин оҥорбут учуотунан Дьокуускай куоракка 1 515 байыаннай эпэрээссийэҕэ сулууспалыы сылдьар дьонноох дьиэ кэргэн баар. Биир кэмнээх 30 тыһыынча солкуобай харчынан көмөнү сайабылыанньа биэрбит 1273 дьиэ кэргэн ылла, оҕо уопсастыбаннай тырааныспарынан босхо айана, аһынан-үөлүнэн өйөбүл көрүллэр, муниципальнай дьиэҕэ эбэтэр сир учаастагын түүлэһии иһин, иэскэ төлөбүрдэри кэлин болдьоххо көһөрүү, уйулҕа туругун чөлгө түһэриигэ көмөлөһүү, юрист, волонтер көмөлөрө оҥоһуллар.
Киин хайа күн аһыллан үлэлиэҕитттэн ыалларга маһы, мууһу бэлэмнээһиҥҥэ, тиэргэнтэн хаары таһыыга, оҕолор култуура тэрээһиннэригэр сылдьыыларын тэрийиигэ, ыарыһах киһини поликлиникаҕа тырааныспарынан илдьиигэ, элбэх оҕолоохторго оҕо көрүүтүгэр, уһуйааҥҥа илдьиигэ, бородуукта атыылаһыыга, онтон да атын олох-дьаһах араас боппуруостарын быһаарыыга көмөлөһөр. Муус устар 5 күнүнээҕи туругунан, Кииҥҥэ итинник ис хоһоонноох 6439 сайаапка киирбитэ.
Маны сэргэ киин куоракка «Кыайыы» аһымал пуондада тэриллэн, байыаннай эпэрээссийэҕэ сулууспалыыр буойуттары бары наадалааҕынан хааччыйыыга үлэ барар.
36 800 000 солкуобай суумалаах уопсай гуманитарнай көмө оҥоһулунна. Ол курдук, байыаннай эпэрээссийэ бара турар сиригэр массыыналар, байыаннай таҥас-сап, түүн көрөр прибордар, тепловизордар, радиосибээс, электрогенератордар, оһохтор, квадрокоптердар, БПЛА уо.д.а. ыытыллыбыта.
Онон Дьокуускай куоракка байыаннай сулууспалаахтар дьиэ кэргэттэригэр өйөбүлү оҥорор Киин үлэтэ күннэтэ тохтоло суох салҕана турар. Буойуттарбыт этэҥҥэ эргиллэн кэлэллэрин туһугар биһиги көмөбүт уҕараабат!
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…