Туйаарыма: «Саха боотурдарыгар алгыс»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут бэһис кыттааччыта Бүлүү Үгүлээтиттэн   Афанасьева Туйаара Анатольевна-Туйаарыма:

САХА БООТУРДАРЫГАР АЛГЫС

Саха боотура санаалыын самныбат
Көҥүлүн туһугар кый ыраах тиийиэҕэ,
Дойдутун көмүскүө, күүстээхтик турунуо
Кэс тылын биэриэҕэ, ил-эйэ туһугар!

Сахабыт буойуна силиһин сүтэрбэт
Кырдьыгы булуоҕа хорсуннук охсуһан,
Тиис тиискэ, хаан хааҥҥа өстөөҕү самнаран
Дойдутун сиригэр, дьиэтигэр төннүөҕэ!

Сахабыт ыччата төлкөтө кэскиллээх
Тулуурдаах эр бэрдэ, түүр омук сыдьаана,
Кырыктаах уот сэрии бүтэһик түмүгэр
Кыайыыны-хотууну айхаллыы туойсуоҕа!

Сахабыт саллаата сүрэхтэн сыдьаайа
Бар дьонун олоҕун, омугун аналын,
Ааттатар Аар Саарын, Күн Уолан
Алгыстан  Үрүҥ Аар Тойон аатыттан!