“Туймаада” судаарыстыбаннай вокальнай ансаамбыл эр дьонун састааба Казань куоракка “Арҕааҥҥы остуоруйа” норуоттар икки ардыларынааҕы 42-с куонкурус-бэстибээлгэ кыттан, “Норуот вокала” номинацияҕа Кылаан бирииһи ылбыта.
Куонкурус алтынньы 28-30 күннэригэр Елена Образцова Муусука аан дойдутааҕы академиятын өйөбүлүнэн ыытылынна. Манна Арассыыйа араас эрэгийиэниттэн үҥкүү кэлэктииптэрэ, вокалистар уонна вокальнай ансаамбыллар кытыннылар.
Гран-при ылбыт биһиги артыыстарбыт 2023 сыл кулун тутарыгар Fossart култуура уонна ускуустуба салаатыгар аан дойдутааҕы 3-с бириэмийэ айар күрэҕэр (сүрүн бириис – 1 мөлүйүөн солкуобай) ыҥырылыннылар.
Кыайыы көтөллөммүт судаарыстыбаннай ансаамбыл бэстибээл кэнниттэн, сэтинньи 2 күнүгэр РФ Оборонаҕа министиэристибэтин академик Н.Н.Бурденко аатынан кылаабынай байыаннай-килиниичэскэй госпитальга анал байыаннай эпэрээссийэ кэнниттэн эмтэнэ сытааччыларга уонна мэдиссиинискэй үлэһиттэргэ кэнсиэрт көрдөрдө.
«Саха сирэ бүттүүнэ биһиги дойдубутун уонна оҕолорбут, сиэннэрбит эйэлээх олохторун көмүскүүр биир дойдулаахтарын өйүүр. Хас биирдии киһи уопсай дьыалаҕа бэйэтин кылаатын киллэрсэр. Ити барыта байыастар бойобуой өйдөрүн-санааларын булгуччу өрө көтөҕөрүгэр Саха сирин дьоно эрэнэр”, — диэн өрөспүүбүлүкэ Ил Дархана Айсен Николаев эттэ.
“Туймаада” ансаамбыл нууччалыы уонна сахалыы киэҥник биллэр ырыалары толорууларын көрөөччүлэр олус истиҥник ылыннылар. Бу күннэргэ госпиталь бэһис салаатыгар Саха сириттэн төрүттээх биир саллаат эмтэнэ сытар. Киниэхэ уонна да атын эмтэнээччилэргэ ансаамбыл кыттыылаахтара Саха сиринээҕи технология уонна дизайн кэллиэһин устудьуоннара ыыппыт харысхалларын бэлэхтээтилэр. Онтон Саха сирин Москватааҕы бэрэстэбиитэлистибэтэ байыастары Саха сирин отонуттан оҥоһуллубут битэмииннээх муоруһунан уонна минньигэс аһынан күндүлээтилэр.
Бурденко аатынан госпиталь бэрэстэбиитэлэ Владимир Поляков ансаамбыл артыыстарыгар уонна Бастайааннай бэрэстэбиитэлистибэҕэ кэнсиэри тэрийбиттэригэр махтанна. Санатан эттэххэ, бу иннинэ манна Саха сириттэн “БалАнс” ансаамбыл ыалдьыттаан барбыт.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…