«Туймаада» судаарыстыбаннай ансаамбыл алтынньы 25 күнүттэн гостуруолга айаннаата. Саха көрөөччүтэ сүгүрүйэр, таптыыр артыыстара гостуруол чэрчитинэн, Москваҕа Бурденко аатынан госпиталга сылдьыахтара. Манна анал байыаннай эпэрээссийэҕэ бааһырбыт байыастар эмтэнэллэр.
Кэлэктиип барыан иннинэ СӨ култуураҕа уонна духуобунай сайдыыга миниистирэ Юрий Куприяновтыын көрүстэ. «Билигин Саха сирин бары олохтоохторо, араас салаа үлэһиттэрэ «Биһиги бииргэ» уопсай аахсыйаҕа кытталлар. «Туймаада» ансаамбыл артыыстара Москваҕа госпиталларга тиийэн саха ырыатын күүһүн иһитиннэриэхтэрэ. Кинилэр ырыаларыгар итэҕэл, бэриниилээх буолуу тыына, дойдуга таптал уо.д.а. тиэмэлэр элбэхтэр. Биһиги хомуурга түбэспит ыччаттарбытын кытары бары кыайыы туһугар биир дьыаланы оҥоробут», -– диэтэ миниистир.
«Туймаада» ырыаһыттара госпиталларга сылдьан, бойобуой дьайыыларга сылдьыбыт буойуттар санааларын көтөҕүөхтэрэ, ылбаҕай ырыаларын бэлэхтиэхтэрэ. Дойдуларын көмүскүү сылдьар буойуттарга Дьокуускайдааҕы дизайн училищетын устудьуоннара оҥорбут харысхалларын тириэрдиэхтэрэ.
Эрдэ былааннаммытын курдук, алтынньы 26-27 күннэригэр «Туймаада» ансаамбыл Саха сирин виртуоз-хомусчуттарын кытары түүр норуоттарын «Восточный базар в Казани» эстрада норуоттар икки ардыларынааҕы бастакы бэстибээлигэр кыттыаҕа.
Бу бэстибээл Татарстан Өрөспүүбүлүкэтин Судаарыстыбаннай сэбиэтин бэрэссэдээтэлэ Ф.Х. Мухаметшин таһымыгар, татаар култууратын Вагапов аатынан уопсастыбаннай пуондатын тэрийиитинэн буолар.
Алтынньы 28-30 күннэригэр «Туймаада» ансаамбыл эр дьонун састааба «Илиҥҥи остуоруйа» аан дойдутааҕы куонкурус-бэстибээлгэ кыттыаҕа. Манна Алтайтан, Башкирияттан, Чувашияттан, Турцияттан, Казахстантан, Хакасияттан, Крымтан, Тываттан, Туркменистантан, Таджикистантан, Кытайтан, Гагаузияттан, Кавказтан, Узбекистантан уонна Саха сириттэн түүр тыллаах ырыаһыттар айар талааннарын билиһиннэриэхтэрэ.
Бэстибээл бочуоттаах ыалдьытынан «Ялла» вокальнай-инструментальнай ансаамбыл буолуоҕа.
Онтон сэтинньи 8 күнүгэр Москваҕа Муусука аан дойдутааҕы дьиэтигэр САССР 100 уонна «Туймаада» ансаамбыл тэриллибитэ 35 сылларыгар аналлаах «Олоҥхо сирин ырыата» улахан бырааһынньыктааҕы кэнсиэри бэлэх уунуохтара.
Артыыстарбытыгар умнуллубат айаны, ситиһиилэри баҕарыаҕыҥ!
Бу күннэргэ Өймөкөөн улууһун салалтата быйыл алдьатыылаах халаан кэнниттэн эмсэҕэлээбит нэһилиэктэринэн сылдьан, чөлүгэр түһэрии үлэтин…
Бу күннэргэ Саха сирэ аан дойду үрдүнэн саамай тымныы сиринэн буола сырытта. Бу туһунан РФ…
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…
Күн Чубуку бэлиэтигэр киириитэ үпкэ-харчыга сыһыаны уларытар. Ыһыы-тоҕуу кэмэ ааһан, барытын чопчу былаанныыр, кэмчилиир уонна…
Бүгүн, ахсынньы 22 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…