“Туймаада” өй-билии олимпиадата аһылынна

Бүгүн, от ыйын 3 күнүгэр, Эркээни ытык хочотугар Билим аччыгый академиятын дьиэтигэр XXXII Норуоттар икки ардыларынааҕы “Туймаада” үөрэнээччилэр олимпиадалара үөрүүлээхтик аһылынна.

Олимпиада былааҕа күөрэччи көтөҕүлүннэ, гимн ньиргийдэ.

Нэдиэлэ устата үөрэнээччилэр ахсааҥҥа, химияҕа, физикаҕа  уонна информатикаҕа  күрэхтэһиэхтэрэ.

Олимпиадаҕа кытта Москваттан, Санкт-Петербуртан, Новосибирскайтан, Пензенскэй, Свердловскай, Московскай, Калининградскай уобаластартан, Приморскай кыраайтан, Бурятияттан уонна Татарстаантан кэлбиттэр. Ону тэҥэ Индонезияттан, Румынияттан, Казахстантан, Монголияттан бааллар.

Саха сирин хамаандатыгар 46 оҕо киирэн, кинилэри кытта эрбии тииһинии эрийсиэхтэрэ турдаҕа. Оҕолорбутугар ситиһиилэри баҕарыаҕыҥ!