«Туймаада эрэлэ» оҕолор хуордарыгар бириистээх миэстэни ылла

Владивостокка буолбут Уһук Илиҥҥи хуор олимпиадатыгар «Кыра оҕолор хуордара» номинацияҕа кыттан, «Туймаада эрэлэ» дипломунан уонна үрүҥ көмүс мэтээлинэн наҕараадаланна.

1 №-дээх оҕо ускуустубатын оскуолатын «Хоровой ырыаҕа» отделениетын үөрэнээччилэрин преподаватель Надежда Попова салайар, концертмейстер Ксения Шильникова. Маны сэргэ, «Хотугу хотойдор» диэн уолаттар вокальнай ансаамбыллара оҕолор вокальнай ансаамбылларын номинациятыгар кыттан эмиэ диплом уонна үрүҥ көмүс мэтээл туттулар. Оҕолор норуоттар икки ардыларынааҕы куонкуруска кытыннылар, манна 12 номинациянан күрэс буолла.

Уһук Илиҥҥи хуор III олимпиадатыгар Арассыыйа 16 эрэгийиэниттэн 93 хуор кэлэктиибэ, ону сэргэ, Кытай Норуодунай Өрөспүүбүлүкэтиттэн кэлэктииптэр кытыннылар. Тэрээһин кыттааччытын ахсаана — 2300 тахса киһи.

Саха сиригэр оҕо ускуустубатын сайыннарыы үлэтэ РФ Бэрэсидьиэрнэ В.Путин көҕүлээбит «Култуура» национальнай бырайыак иитинэн ыытыллар.

Сиһилии: https://www.sakha.gov.ru/news/14871

СӨ Ил Дарханын уонна Бырабыыталыстыбатын пресс-сулууспата