«Туймаада-нефть» сапыраапкатыгар массыына саахалланна (ВИДЕО)

Бүгүн Дьокуускай куорат Бүлүүлүүр суолугар турар «Туймаада-нефть» сапыраапкалыыр ыстаансыйатын былаһааккатыгар BMW-X5 мааркалаах массыына саахалланна.

Массыына сапыраапканы көрдө-көрбүтүнэн түргэнник айаннаан кэлэн колуонкаҕа кэтиллэн баран, эргийэн кулахачыйда. «Туймаада-нефть» сапыраапкалыыр ыстаансыйатын видеокамералара саахал тахсыбытын устубуттар.

ГИБДД үлэһиттэрэ «Арыгыны иһэн баран, уруулга олорумаҥ!» диэн сэрэтэ сатыыллар даҕаны, хомойуох иһин, ылыммат дьон элбэх. Итирик туруктаах суоппар, уопсайынан, бэйэтигэр уонна суолга сылдьар дьоҥҥо улахан кутталы үөскэтэрин умнумаҥ.

Видео-устууну көрүҥ. 

Хаартыска: @dtp_ykt-тан