Хаартыска sakha.gov.ru ылылынна
Дьокуускайга “Туймаада” олимпиадаҕа кыттаары Арассыыйа эрэгийиэннэриттэн хамаандалар кэлэллэр.
Сүүстэн тахса үөрэнээччи математикаҕа, физикаҕа, химияҕа, информатикаҕа билиилэрин-көрүүлэрин тургутан көрөр баҕалаахтар. Оттон бүгүн, от ыйын 3 күнүгэр, СӨ Наукаларын Аччыгый академиятыгар XXX төгүлүн норуоттар икки ардыларынааҕы “Туймаада” олимпиада саҕаланар.
Күөн күрэскэ кыттарга өрөспүүбүлүкэ киин куоратыгар хамаандалар кэлитэлээн эрэллэр. Бэҕэһээ Хотугулуу-Кавказ федеральнай университетын хамаандата кэлбит.
“Биһиги хамаандабытыгар үс чаҕылхай бэлэмнээх оҕо баар. Кинилэр информатикаҕа, математикаҕа, химияҕа кытталлар. Олимпиада кыттыылаахтарыгар үчүгэйи баҕарабын, аппаратура харгыстамматын уонна сөрүүн аудиториялар баар буоллунар”, — диэн 11 кылаас үөрэнээччитэ, Ставрополье кыраайыттан кэлбит хамаанда кыттыылааҕа санаатын үллэһиннэ.
Быйыл норуоттар икки ардыларынааҕы “Туймаада” олимпиадаҕа кыттарга сүүстэн тахса сайаапка Новосибирскайтан, Пензаттан, Свердловскайтан, Москваттан, Ставропольеттан, Татарстантан, Бурятияттан киирбит. Маны таһынан, Казахстантан, Сингапуртан, Румынияттан, Индонезияттан кыттар баҕалаахтарын биллэрбиттэр. Саха сириттэн, үгэс курдук, сүүмэрдэммит икки хамаанда (барыта 56 кыттааччы) илин-кэлин түсүһүө.
Норуоттар икки ардыларынааҕы “Туймаада” олимпиада Саха сиригэр дьоҕурдаах оҕолору өйүүр сыаллаах ыытыллар. Тэрийээччилэр – СӨ Үөрэх уонна наука министиэристибэтэ, СӨ Наукаларын Аччыгый академията, М.К.Аммосов аатынан ХИФУ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…