Хаартыска: Мария Васильева, СИА
Николай Тарскай аатынан “Туймаада” стадион 1996 сыллаахха аан бастакы “Азия оҕолоро” спортивнай оонньуулары көрсө тутуллубута. Онтон ыла Оонньуулар аһыллыыларын, сабыллыыларын церемонията манна ыытыллаллар. Хас эмэ тыһыынчанан ыалдьыты бастакынан “Туймаада” стадион көрсөр, онон ирдэбил улахан буолара биллэр.
Быйылгы Оонньуулар аһыллыылара бэс ыйын 26 күнүгэр буолуохтара, салгыы бэс ыйын 28 – от ыйын 3 күннэригэр сахалыы ыстаныыларга, чэпчэки атлетикаҕа күрэхтэһиилэр ыытыллыахтара.
Күн бүгүн стадиоҥҥа улахан хапытаалынай өрөмүөн барбыта көстөр: 12,5 тыһыынча олбох уларыйбыта харахха быраҕыллар, саҥа газон тэлгэммит, онтон да атын үлэ тохтообокко тигинии турар.
«Оҥоһуллуохтаах үлэ былаан быһыытынан бара турар. Футболлуур хонууга ФИФА футболга Аан дойдутааҕы ассоциациятын бүтэһик ирдэбилигэр уонна аан дойдутааҕы стандартка эппиэттиир искусственнай газону тэлгэттибит. Маннык сабыы билигин Москваҕа “Лужники” стадиоҥҥа уонна “Дохсуҥҥа” баар», — диэн киэн тутта кэпсиир футболга өрөспүүбүлүкэтээҕи анал спортивнай оскуола дириэктэрэ Николай Цыпандин. «Бүгүҥҥүттэн кварцевай кумаҕы уонна эрэһиинэ крошканы кутууну саҕалыахпыт. Бу үлэни ыам ыйын 31 күнүгэр диэри бүтэриэхпит, оттон сүүрэр суолу — бэс ыйын 9 күнүгэр диэри. Дьиэ тас өттүн уларыттыбыт, ис өттүгэр өрөмүөн үлэтэ эмиэ бүттэ, сууйуута-сотуута эрэ хаалла. Маннык улахан таһымнаах тэрээһиннэри ыытарга туһунан ирдэбиллэр тураллар, онон Арассыыйатааҕы футбольнай сойуус ирдэбилинэн дьиэ ис өттүнээҕи планировкатын уларыттыбыт. Ону кытта чэпчэки атлетика манеһын барытын өрөмүөннээтибит. Ититии уонна уот ситимнэрэ, сантехника, вентиляция, уоттан сэрэтэр сигнализация барыта уларыйда, 135 видеокамера туруорулунна, ол онтон 18-һа киһини сирэйинэн билэр. Сарсыҥҥыттан сырдатар уоттары уларытыахпыт».
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…