Туймаада ыһыаҕа бэс ыйын бүтүүтэ буолуоҕа

Үс Хатыҥҥа ыытыллар Туймаада ыһыаҕа бэс ыйын 24 уонна 25 күннэригэр буолуоҕа. Бу туһунан национальнай бырааһынньыгы тэрийэр кэмитиэт иһитиннэрэр.

Бу күн үгэс быһыытынан Ил Дархан уонна Дьокуускай баһылыгын бириистэригэр ат сүүрдүүтэ буолуоҕа. Итиэннэ төрүт многоборьеҕа «Дыгын оонньууларын» финала ыытыллыаҕа.

Быйылгы ыһыах «Дьокуускай — килбиэннээх үлэ куората» диэн санаанан салайтаран ыытыллыаҕа, ону тэҥэ РФ Педагог уонна настаабынньык сылыгар, Саха сиригэр Үлэ сылыгар ананыаҕа.