Хаартыска sakha.gov.ru ылылынна
Туймаада ыһыаҕа Үс Хатыҥ сиригэр-уотугар бэс ыйын 29-30 күннэригэр буолар.
Быйыл 27-с төгүлүн ыытыллар Ыһыах Арассыыйаҕа Дьиэ кэргэн, Саха сиригэр Оҕо аймах уонна «Азия оҕолоро» норуоттар икки ардыларынааҕы VIII спортивнай оонньууларга ананар.
«Туймаада ыһыаҕар сыл аайы 240 тыһыынча кэриҥэ киһи мустар. Ыһыах бүгүҥҥү аһыллыытын дьон-сэргэ кэрэхсээбит, сэргээбит буолуохтаах», — диэтэ Саха сирин баһылыга Айсен Николаев улахан тэрээһин кыттыылаахтарыгар туһаайан. Кини Туймаада Ыһыаҕар үгэс, сиэр-туом өрүү тутуһулларын, ону таһынан куруук туох эрэ саҥа сүүрээн киллэриллэрин, ол аныгы үйэ тэтимин кытары тэҥҥэ хардыылыырын бэлиэтээтэ.
Айсен Николаев быйылгы ыһыах туруоруллуута, ол иһигэр үҥкүүтэ уонна муусуката бу сыл тиэмэтигэр ананарын ыйда. «Дьокуускай куорат баһылыга күөрэччи көтөхпүт «Ытык Дуоҕата» элбэх оҕолоох ыаллар бэрэстэбиитэллэригэр бэриллибитэ бу сыл бэлиэтин кэрэһилиир». Оттон түмүккэ үҥкүү — Саха сиригэр Оҕо аймах сылыгар уонна «Азия оҕолоро» норуоттар икки ардыларынааҕы спортивнай оонньууларга ананна. Онон Туймаада Ыһыаҕа инникитин да маннык сүҥкэн буолуоҕар, үйэлэри ситимнээн көрдөрө туруоҕар, өрүү өрө көтөҕүллүүлээхтик ыытыллыаҕар эрэнэбин», — диэтэ.
Бу күннэргэ Дьокуускай куорат улахан тэрээһиннэр ыытыллар түһүлгэлэригэр кубулуйда. Ол курдук, манна норуоттар икки ардыларынааҕы киинэ бэстибээлиттэн саҕалаан, улахан, далааһыннаах спортивнай тэрээһининэн буолбут «Азия оҕолоро» оонньуулар ыытыллаллар. Саха сирин Ил Дархана бүгүн Туймаада ыһыаҕар үгүс дэлэгээссийэ бэрэстэбиитэллэрэ ыалдьыттаабыттарын эттэ. Бу тэрээһин Саха сирин, Арассыйа түмүллүбүт өйүн-санаатын, салгынын аан дойдуга тиэрдэн дьолу-соргуну уонна үтүөнү түстүүргэ көмөлөһөрүн бэлиэтээтэ.
СӨ Ил Дарханын уонна СӨ Бырабыыталыстыбатын пресс-сулууспата
“Азия оҕолоро” VIII Норуоттар икки ардыларынааҕы оонньуулар чэрчилэринэн СӨ Туризм сайдыытыгар ааҕыныстыбата Дьокуускай куорат устун…
От ыйын 2-с уонна 3-с күннэригэр "Олимпиец" ытар комплекска стендовай ытыыга икки күрэхтэһии түмүктэннэ. Биирдиилээн…
Ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкуруска сайаапкалары ылыы салҕанар.…
Ленскэй оройуонугар сыл саҕаланыаҕыттан 400-тэн тахса ыраах сытар нэһилиэнньэлээх пуун олохтоохторо улуустарын быраастарыгар бэрэбиэркэлэннилэр. Ленскэйдээҕи…
Бэс ыйын 24 күнүттэн от ыйын 24 күнүгэр диэри «электроннай бүддьүөт» тиһигэр агробырамыысыланнай комплекс тутаах…
Бүгүн, от ыйын 3 күнүгэр, Дьокуускайга «Кыайыы 50 сыла» успуорт уораҕайыгар «Азия оҕолоро» норуоттар икки…