Туймаада ыһыаҕа: икки оптуобус суукканы эргиччи үлэлиэҕэ

Туймаада ыһыаҕын кэмигэр, бэс ыйын 24  уонна 25 күннэригэр, киин куораттан Үс Хатыҥҥа диэри 155 уонна 156 №-дээх икки оптуобус төттөрү-таары айанныаҕа.

СИА иһитиннэрбитинэн, оптуобустар суукканы эргиччи  үлэлиэхтэрэ. Бастакы оптуобус Медкиинтэн сарсыарда 7 чаастан киэһэ 21 чааска диэри сылдьыаҕа. 10 мүнүүтэ буола-буола атын оптуобус кэлэн иһиэҕэ. Онтон киэһээҥҥи кыраапык — 21-00  чаастан сарсыарда 09-00 чааска диэри сырыы баар буолуоҕа. . Оптуобустар арыттара – 20 мүн.

Үс Хатыҥтан Медкииҥҥэ  диэри оптуобус сырыыта: сарсыарда 08-00 чаастан 21-00 чааска диэри. Киэһэ — 21-00  чаастан сарсыарда 09-00 чааска диэри, оптуобустар арыттара – 20 мүн.

Автовокзалтан ыһыах ыһыллар Үс Хатыҥар диэри  156 №-дээх оптуобус 155 №-дээх  оптуобус кыраапыгынан сылдьыаҕа.