Туймаада ыһыаҕар аныгылыы национальнай көстүүм күрэҕэ ыытыллар

Туймаада ыһыаҕар Саха сирин талааннаах модельера Августина Филиппова 75 сааһыгар аналаах «Айар кэрэ» диэн аныгылыы национальнай көстүүмнэр куонкурустара ыытыллар. Гран-при хаһаайына 100 тыһыынча солкуобайы ылыаҕа.

Тэрээһиҥҥэ өрөспүүбүлүкэ бары муннуктарыттан дизайнердар кытталлар. Куонкурус барыта үс номинациялаах: «күннээҕи таҥас», «бырааһынньык таҥаһа» уонна «дьиэ кэргэн ансамбла».

Августина Филиппова бэлиэтээбитинэн, тэрээһин национальнай көстүүм үгэстэрин сайыннарыыга уонна өрөспүүбүлүкэ талааннаах маастардарын уонна дизайнердарын өйөөһүҥҥэ ананан ыытыллар. Куонкурус бириистээх пуондата — 454 тыһыынча солкуобай.