Туймаада Ыһыаҕар арыгы атыыта бобуллуоҕа

Бэс ыйын 28-29 күннэригэр Туймаада Ыһыаҕын кэмигэр Үс Хатыҥҥа арыгы атыыта бобуллуоҕа.

Туһааннаах дьаһалга Дьокуускай куорат баһылыга Евгений Григорьев илии баттаата.

Маннык дьаһал бырааһынньык кэмигэр дьон-сэргэ үөрэ-көтө, сэргэхтик, куттала суох сылдьарын, Туймаада Ыһыаҕын ыалдьыттарыгар табыгастаах усулуобуйа тэриллэрин хааччыйар. Үс Хатыҥҥа уопсастыбаннай бэрээдэги быраабы араҥаччылыыр уорганнар кэтээн көрүөхтэрэ, диэн иһитиннэрэр Киин куорат тг-ханаала.