Туймаада ыһыаҕар «Азия оҕолоро» түһүлгэ аһылынна
30.06.2024, 13:48
Хаартыска: «Азия оҕолоро» саайтан
Бөлөххө киир:
Бэҕэһээ, бэс ыйын 29 күнүгэр, Туймаада ыһыаҕар «Азия оҕолоро» оонньууларын эдэр атлеттара уонна кыттааччылара ытык-мааны ыалдьыттарынан ыҥырыллан, алҕанан, арчыланан аастылар.
Эдэр спорстменнар саха норуотун култууратын кытта толору билсистилэр, төрүт үгэс оонньууларбытын көрдүлэр-иһиттилэр, астынан-дуоһуйан тарҕастылар. «Оонньуулар аан дойдутааҕы кэмитиэтин ыстааба Дьокуускайга тэриллибитинэн, Туймаада ыһыаҕар анаан-минээн түһүлгэ тэрийэн ыалдьыттарбытын көрүстүбүт», — диэн «Азия оҕолоро» норуоттар икки ардыларынааҕы кэмитиэт Бэрэссэдээтэлэ Владимир Максимов кэпсээтэ.
Туймаада ыһыаҕын быйыл Арассыыйааҕа Дьиэ кэргэн, Саха сиригэр Оҕо саас уонна «Азия оҕолоро» оонньууларга ананар. Кини ыалдьыттар Саха сирин уонна Оонньуулар туһунан эрэ буолбакка, саха норуота сайыны көрсөр бырааһынньыктарын өйдүү-саныы сылдьыхтара диэн эрэнэрин биллэрдэ.
+1
3
+1
+1
+1
+1
+1
+1
Сообщить об опечатке
Текст, который будет отправлен нашим редакторам: