Ыһыахха «Утум уус» уустар түһүлгэлэригэр дьон-сэргэ тоҕуоруста. Манна өрөспүүбүлүкэ араас муннугуттан барыта 54 уус түмүстэ.
Тэрээһин Арассыыйаҕа уонна Саха сиригэр Дьиэ кэргэн уонна Оҕо саас сылларыгар ананар. Уустары кытары Туймаада ыһыаҕын «Кудай Бахсы» былаһааккатыгар Ил Дархан Айсен Николаев көрүстэ.
«Ыһыахха уустар быыстапкаларыгар сылдьарбын олус сөбүлүүбүн. Хас биирдии оҥоһуктара киһини сөхтөрөр», — диэн бэлиэтиир Ил Дархан.
Быыстапка өбүгэлэрбит үгэстэрин үйэтитэргэ, талааннаах маастардары, саҥа ааттары буларга, норуот үгэстэрин киэҥник тарҕатарга анаан ыытыллар.
Бастыҥнары быһаарыахтара, алта анал аат туттарыллыа: «Лучший кричный якутский нож», «Лучший кричный хотохоон», «Здравствуй, хомус Туймаады», «Молодые последователи традиции кузнеца», «Лучшее художественное изделие», «Лучший выставочный стенд».
Бэстибээл чэрчитинэн саха быһаҕын уонна хомуһу охсууга маастар-кылаастар ыытыллаллар, ыалдьыттарга уонна үүнэр көлүөнэҕэ анаан биллэр маастардар тимири уһааран көрдөрүөхтэрэ.
Саха сирин уустарын түмсүүтүн бэрэссэдээтэлэ Роман Готовцев – Мындыр Уус күөн күрэскэ 40-тан тахса саха быһаҕа киирбитин бэлиэтээтэ.
«Уустарга улахан күрэхтэһии буола турар. Биһиги быһах төһө сытыытын, оҥоһуутун, уо.д.а. бэрэбиэркэлиибит. Быйыл аан бастаан улуустартан 8 оҕо кытыннва. Кинилэр манна Саха сирин ааттаах-суоллаах улахан уустарыттан элбэххэ үөрэнэллэр, барытын улаханнык сэҥээрэллэр, ол биһигини олус үөрдэр», — диир Роман Готовцев – Мындыр Уус.
Дьокуускайтан оскуола үөрэнээччитэ Максим Васильев эдэр уустар күрэстэригэр кыттар.
«Аҕам уус, кини сэлии муоһуттан уустаан-ураннаан араас оҥоһуктары оҥорор. Кини Арассыыйаҕа уонна өрөспүүбүлүкэҕэ ыытыллар араас күрэстэргэ кыттыбыт үлэлэрин мин сонургуу көрөбүн, онтон холобур ылабын. Уус буолар баҕалаахпын. Бүгүн кыайыыга эрэллээх кыттабын», — диир Максим.
Сиһилии https://www.sakha.gov.ru/news/front/view/id/3406141 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Куокуйга "Угуйаан" култуура киинигэр Кэбээйи нэһилиэгин П.Д. Степанов аатынан кыраайы үөрэтэр түмэл иһинэн тэриллибит Зоя…
Изаҕа отучча сыл анараа өттүгэр түөрт оҕолонуоҥ диэбиттэрэ буоллар, итэҕэйэрэ саарбах. Оччолорго уолаттар куттарын туппут,…
Битэмииннээх утах - тумууну, кирииби сэрэтиигэ күүстээх «көмөлөһөөччү». Утах сүрүн кистэлэҥэ битэмиинэ уонна антиоксидана дэлэйигэр…
СӨ Урбаан, эргиэн уонна туризм министиэристибэтин чахчытынан, б.дь. сэтинньи 1 күнүнээҕи туругунан, аччыгый уонна дьоҕус…
Соторутааҕыта саха тэлэбиидэнньэтигэр “Айкуо” диэн саҥа сэрийээл көстөн бүттэ. Сэрийээлгэ аныгы устудьуоннар олохторо, кыһалҕалара көстөр.…
Атамайга нэһилиэк олохтоохторун уонна оскуола үөрэнээччилэрин кытта истиҥ көрсүһүү буолла. СӨ Ытык сүбэтин чилиэнэ, СӨ…