Хаартыска: Дьулустаан Сергеев, СИА.
2024 сыллаахха «Дыгын оонньуулара» кымыс иһэр киин түһүлгэҕэ ыытыллыахтара. Киэн туттар бырааһынньыкпыт ыалдьыттарын өссө хас да саҥа киллэриилэр күүтэллэр. Ол туһунан “Россия 24” телеханаалга “Куораты кытта быһа эпиир” бырагыраамаҕа Дьокуускай баһылыга Евгений Григорьев кэпсээтэ диэн СИА биллэрэр.
“Быйыл бэс ыйын 29-30 күннэригэр биһиги 29-с төгүлүн “Үс Хатыҥ” сиригэр-уотугар Туймаада Ыһыаҕын ыытыахпыт. Култуурунай бырагыраамаҕа киирбитинэн, 19 былаһаакканан 100-тэн тахса тэрээһин ыытыллыахтаах. Бырааһынньык кэнсиэпсийэтэ Арассыыйаҕа Дьиэ кэргэн сылын, Саха сиригэр Оҕо аймах сылын итиэннэ, биллэн турар, VIII норуоттар икки ардыларынааҕы “Азия оҕолоро” спортивнай оонньуулар тиэмэлэрин кытта ситимнээх буолуоҕа. Үгэс быһыытынан элбэх киһи кэлэригэр бэлэмнэнэбит”, — диэтэ Евгений Григорьев.
Кини эппитинэн, былырыын Туймаада Ыһыаҕар икки күн устата 235 тыһыынча киһи сылдьыбыт. Быйыл да оччо киһи кэлэрэ күүтүллэр. Ыһыах Арассыыйа култуурунай национальнай бырааһынньыктарыттан биир саамай улаханнара буоларын, Евгений Григорьев бэлиэтээн эттэ.
Дыгын оонньуулара ыытыллар сирдэрэ уларыйбытын таһынан Алтан Сэргэҕэ тиэрдэр 99 сэргэ уларыйыахтара уонна ыһыах аһыллыытын сиэригэр-туомугар туһаныллыахтара. Ону кытта быйыл улаатан эрэр оҕолорго анаан аан бастакытын «Бэргэн оонньуулара» ыытыллыахтара. Оһуохайдыыр түһүлгэ таһыгар саастаах дьон сынньаналларыгар анаан балаҕан тутуллуоҕа.
Санатан эттэххэ, ыам ыйын 31 күнүгэр “Үс Хатыҥ” сиригэр-уотугар куорат субуотунньуга буолуоҕа.
Уус Алдан улууһугар "Умсулҕан" кэллиэксийэньиэрдэр түмсүүлэрэ тэриллибитэ 30 сыл буолла. [gallery ids="180048,180049,180047"] Түмсүүнү оҕо…
Тохсунньу Таҥха ыйынан биллэр. Сыл ахсын сүллүкүүттэр хаһан тахсар этилэрий, ойбонтон хаһан уу ылар этибитий…
Түгэнигэр сөп түбэһиннэрэн ахтан аастахха, былыр өбүгэлэрбит тутта сылдьыбыт малларын уонна үгэстэрин сөргүтүү үгэскэ кубулуйда.…
Уус Алдан улууһун Өспөх нэһилиэгин олохтоохторо,"Доброволецтар" волонтердар хамсааһыннарын (сал. Светлана Архипченко, Дьокуускай к.) филиала, байыастарга…
Саха сиригэр будулҕан туманнаах тоһуттар тымныылар үгэннээн турар кэмнэрэ. Бырааһынньыктар түмүктэнэн, тулалыыр айылҕабытын кэтээн, тохсунньу…
2025 сылга өрөспүүбүлбүкэҕэ икки аэропорду саҥардан оҥорууну түмүктүөхтэрэ уонна саҥаны тутуохтара. Ил Дархан Айсен Николаев…