Туймаада ыһыаҕар Ил Дархан бирииһигэр ат сүүрдүүтэ буолуоҕа

Бэс ыйын 30  күнүгэр  Туймаада ыһыаҕар Үс Хатыҥ туонатын «Дьөһөгөй» ипподромугар Ил Дархан Айсен Николаев бирииһигэр 2400 м уһуҥҥа ат сүүрдүүтэ буолуоҕа.

Уопсайа түөртэрин ааспыт ыраас хааннаах боруода уон сүүрүк ат кыттыаҕа. Күрэхтэһиигэ бу сыл тохсунньу ыйыттан өрөспүүбүлүкэҕэ баар аттар киириэхтэрэ. Бириис пуондата — 5 мөл солк.

Ол курдук Супер Таргет (Горнай улууһа), Конст Холидей (Амма улууһа), Евр (Хаҥалас улууһа), Лансье (Уус Алдан улууһа), Нэйчерел Кин (Мэҥэ Хаҥалас улууһа), Аутлендер (Нам улууһа), Йортен (Дьокуускай), Делленджер (Ньурба улууһа), Байсап Барс (Сунтаар улууһа), Князь Болотоков (Чурапчы улууһа) кыттыахтара.

3200 м уһуҥҥа уон ат СӨ Бырабыыталыстыбатын бирииһигэр кыттыахтара. Бириис пуондата — 600 тыһ.солк.