Хаартыска: ЯСИА.
Бэс ыйын 28-29 күннэригэр Туймаада ыһыаҕа буолаары турар. Ыһыахха бэлэмнэнии туһунан Дьокуускай куорат аҕа баһылыга Евгений Григорьев «Россия 24» ханаалга быһа эпииргэ иһитиннэрдэ.
Ыһыах бастакы күнүгэр 11.30 чаастан киин трибунаҕа алгыс сиэрэ-туома ыытыллыаҕа.
— Сыл аайы үөрүүлээх аһыллыы сиэрин-туомун көрөөччү ахсаана элбээн иһэр, онон кинилэргэ табыгастаах буоллун диэн эбии 400 миэстэни хааччыйдыбыт, — диэн бэлиэтээтэ Евгений Григорьев.
Быйыл ыһыахха куттал суох буолуутун миэрэлэрэ күүһүрдүллүбүттэр, ол иһигэр мобильнай сибээс бытаардыллыбыт.
— Төлөпүөнүнэн эрийиэххэ сөп, ол эрээри интэриниэккэ киирэр кыах суох буолуоҕа, ол аата мобильнай баан, социальнай ситимнэр суох буолуохтара. Атыы-эргиэн миэстэлэригэр уонна аһылык тэрилтэлэригэр бары наадалаах атыыны-эргиэни хааччыйар туһуттан, боруобатынан интэриниэт киллэриллиэҕэ, ол аата баан каартатынан төлүөххэ сөп. Ыһыах ыалдьыттара кумааҕы харчыны эрдэттэн устан, эбэтэр баан каартатын илдьэ сылдьыҥ, — диэн Евгений Григорьев ыҥырда.
Үс Хатыҥҥа тиийии оптуобус икки маршрутунан хааччыллыаҕа — Мэдиссиинэ кииниттэн 155 уонна автовокзалтан 156 нүөмэрдээх оптуобустар сылдьыахтара. Үс Хатыҥҥа тиийэ барыта 70 оптуобус үлэлиэҕэ. Онтон салгыы, оптуобус тохтуур сириттэн шаттл-автобус ыалдьыттары түһүлгэҕэ диэри таһыахтара.
Үгэс быһыытынан, сүрүн ыһыахха ыраахтан-чугастан ыалдьыттар кэлиэхтэрэ. Быйыл 100-чэ ыҥырыылаах ыалдьыт кэлэрэ күүтүллэр. Олор истэригэр Кытайтан, Казахстантан, Донецкай Өрөспүүбүлүкэттэн, Благовещенскайтан, Улан-Удэттэн официальнай дэлэгээссийэлэр бааллар диэн Дьокуускай куорат дьаһалтатын пресс-сулууспата иһитиннэрэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…