Хаартыска: yakutskcity.ru
Туймаада ыһыаҕын кэмигэр үөрүүлээх көрсүһүүгэ Евгений Григорьев саха тылын, литэрэтиирэтин уонна төрүт култууратын бастыҥ педагогтарыгар 100-түү тыһ. солк. Дьокуускай куорат баһылыгын бириэмийэтин туттарда.
Туймаада ыһыаҕар култуура, сиэр-туом, успуорт тэрээһиннэрин таһынан, үгэс быһыытынан Дьокуускай куорат баһылыгын көрсүһүүтэ буолар. Арассыыйаҕа Педагог уонна уһуйааччы сылынан куорат баһылыгын көрсүһүүтүгэр бастыҥ учууталлар, иитээччилэр ыҥырылыннылар, кинилэр кэккэлэригэр СӨ анал бириэмийэтин, Дьокууcкай куорат баһылыгын гранын, идэ маастарыстыбатын куонкуруһун кыайыылаахтара, олимпиада кыайыылаахтарын, призердарын бэлэмнээбиттэр, педагогическай династиялар бэрэстэбиитэллэрэ, куорат бастыҥ үөрэнээччилэрэ бааллар.
Куорат баһылыга Евгений Григорьев ыалдьыттары Туймаада ыһыаҕынан эҕэрдэлээтэ итиэннэ Арассыыйа бэрэсидьиэнэ Владимир Путин 2023 сылы Педагог уонна уһуйааччы сылынан биллэрбитэ суолталаах быһаарыы буоларын бэлиэтээтэ.
“Биһиги үөрэх суолататын бүтүннүү өйүүбүт. Кэлиҥҥи сылларга үөрэх хаачыстыбатын элбэх көрдөрүүтэ тупсубута бэлиэтэнэр. Маны биир кэлим эксээмэҥҥэ биһиги 100 бааллаахтарбыт, олимпиадаҕа кыайбыттар, миэстэлэспиттэр туоһулууллар. Үрдүк көрдөрүүнү ситиспит үөрэнээччилэри, кинилэр учууталларын уонна төрөппүттэрин эҕэрдэлиибин. Былырыын биир кэлим эксээмэҥҥэ 100 бааллаах оҕону бэлэмнээбит учууталлары көҕүлүүр 100 тыһ. солк. суумалаах бириэмийэни олохтообуппут. Бириэмийэни сыллата туттарар буолуохпут”, — диэн Евгений Григорьев эттэ.
Быйыл Дьокуускай куорат баһылыга саха тылын, литэрэтиирэтин уонна төрүт култууратын бастыҥ педагогтарыгар бириэмийэни олохтообута. Бу күн “Дьокуускай куорат” куораттааҕы уокурук баһылыгын “Сахалыы тылынан үөрэтэр үөрэх тэрилтэтин саха тылын, литэрэтиирэтин уонна төрүт култууратын бастыҥ учуутала” хайысхаҕа 100 тыһ. солк. суумалаах бириэмийэтин куорат 23-с нүөмэрдээх оскуолатын саха тылын уонна литэрэтиирэтин учууталыгар Таисия Кулакинаҕа туттардылар.
“Сахалыы тыллаах оскуола иннинээҕи үөрэхтээһин тэрилтэтин бөлөҕүн бастыҥ иитээччитэ” хайысхаҕа бириэмийэни куорат 51-с нүөмэрдээх “Кэскил” уһуйаанын иитээччитэ Мария Петрова ылла.
Бу туһунан Дьокуускай куорат уокуругун дьаһалтатын пресс-суулуспата суруйар.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…