Туймаада ыhыаҕар оһуокай күрэҕэ ыытыллар

Бүгүн, бэс ыйын 24 күнүгэр, Үс Хатыҥ комплекска Туймаада ыһыаҕар 100-тэн тахса тэрээһин ыытылла турар. Төрдүс былаһааккаҕа 14:00 чаастан «Туймаада ыhыаҕын оһуокайа» күрэх тэрилиннэ.

Күрэххэ кыттыыны ыларга уопсайа 45 киһи суруттарда. Онтон 2-тэ Аат Дархан этээччитэ, 12-тэ Саха сирин Дархан этээччитэ уонна 23-һэ Саха сирин үтүөлээх этээччилэрэ. Ону таһынан, саҥардыы этэ сылдьар дьон эмиэ кыттыыны ыллылар.

«Быйыл ohуохай тэрээһинэ — биһиги хорсун буойуттарбыт тыыҥнаах төннөн кэллиннэр диэҥҥэ аналлаах, алгыс оһуокай буолар», — диэн Саха Өрөспүүбүлүкэтээҕи оһуохайын түмсүүтүн бэрэссэдээтэлэ Александр Данилов бэлиэтээтэ.

Ааптар: Диана Новгородова