Андрей Сорокин (ЯСИА) хаартыскаҕа түһэриитэ
Туймаада ыһыаҕын чэрчитинэн Үс Хатыҥ сиригэр-уотугар «Туой кут» диэн туой оҥоһук I өрөспүүбүлүкэтээҕи бэстибээлэ ыытылынна.
Бэстибээл кыттааччыларын кытта Ил Дархан Айсен Николаев көрүстэ.
«Бэстибээл өрөспүүбүлүкэ үгүс муннуктарыттан кыттааччылары түмтэ. Быыстапкаҕа туойтан уонна керамикаттан оҥоһуллубут үгүс кэрэ оҥоһуктар туруоруллубуттар. Биһиги маастардарбыт кэлэр өттүгэр бу хайысхаҕа өссө үрдүк ситиһиилэри ситиһиэхтэрэ дии саныыбын», — диэн Айсен Николаев эттэ.
Бэстибээлгэ норуот уустара уонна маастардара, керамика худуоһунньуктара, ыччат уонна оҕолор кытыннылар. Кинилэр туойтан оҥоһуллубут үгэс буолбут иһити-хомуоһу уонна керамикаттан аныгылыы оҥоһуктары туруордулар.
«Бүгүн бэстибээлгэ Саха сирин араас улуустарыттан 30-тан тахса маастар кыттар. Өрөспүүбүлүкэҕэ туой идэтэ күүскэ сайдан иһэр: ас иһитин эрэ буолбакка, интерьер уонна архитектура оҥоһуктарын курдук саҥа аныгылыы хайысхалар үөскүүллэр. Биһиги бырабыыталыстыбабыт уонна Ил Дархан Айсен Николаев маастардарга улахан өйөбүлү оҥороллор. Биһиги өрөспүүбүлүкэбитигэр талааннаах дьон элбэх уонна бу ускуустубанан оҕолор өссө элбээн дьарыктанан эрэллэр. Керамика ускуустубата улахан кэскиллээх уонна Саха сирин экэниэмикэтин сайдыытыгар биллэр-көстөр кылааты киллэриэ диэн эрэнэбин», — диэн «Симэх» норуот прикладной ускуустубатын уонна уус-уран оҥоһуктарын национальнай киинин дириэктэрэ Яна Игнатьева бэлиэтээтэ.
Ыһыахха бэстибээл ыалдьыттарын туой иһиккэ буспут балык миининэн күндүлээтилэр, диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Булт-алт тиэмэтигэр сэргэх кэпсээннээх Дьөгүөр Сыромятников-Егор Һэрэмээт бу күннэргэ Бурятия Окинскай оройуонугар кабааны бултуу ити…
Сэтинньи 25 күнүттэн 30 күнүгэр диэри Дьокуускай куоракка 12-с төгүлүн ыытыллар “Саха сирин амтана” гастрономия…
Табаары тиэрдии ороскуоттарын учуоттаан туран, аһы-үөлү атыылыыр бөдөҥ тэрилтэлэртэн саҕалаан, дьоҕус тэрилтэ атыыһыттарыгар тиийэ сыананы…
Кыстыкка киириигэ саха дьоно номнуо идэһэлэрин дьаһайан, аһы-үөлү хаһааналлар. Бүгүн биһиги сүөһү уонна убаһа иһиттэн…
Арассыыйа Дьоруойа, уос номоҕо буолбут «Алеша» тааҥка наводчик-эпэрээтэрэ Алексей Неустроев Бүтүн Арассыыйатааҕы мас-рестлинг федерациятын вице-бэрэсидьиэнинэн…
Бу нэдиэлэҕэ Саха Өрөспүүбүлүкэтин сэттис ыҥырыылаах Судаарыстыбаннай Мунньаҕын (Ил Түмэн) XV (уочараттаах) пленарнай мунньаҕа буолан…