Туймаада ыһыаҕын ыалдьыттара 1 мөлүйүөн көмө үбүн хомуйдулар

Байыаннай эппэрээсийэ кыттыылаахтарын өйөөһүҥҥэ анаммыт Туймаада ыһыаҕын бастакы күнүгэр 1 мөлүйүөн солкуобай көмө харчы хомуллубутун туһунан Дьокуускай куорат салайааччыта Евгений Григорьев биллэрдэ:

— Быйыл ыһыахпыт хас даҕаны сүрүннүүр тиэмэлээх буолла – байыастары өйөөһүн, Дьокуускай куоракка “Үлэ албан аатын” иҥэриини бэлиэтээһин, ону кытта Учуутал уонна уһуйааччы сылынан бастыҥ педагогтарбытын чиэстээһин.

Бу сыл ааспыт сыллартан аҕыйаҕа суох киһи Үс Хатыҥ сиригэр-уотугар муһунна. Эрдэттэн байыаннайдары өйүүргэ үп хомуура буоларын биллэрбиппит. Бу тэрээһин киэҥ харданы биэрдэ — QR-куод уонна Кыайыы пуондатын нөҥүө ыһыах ыалдьыттара 1 мөлүйүөн солкуобайтан тахса үбү киллэрдилэр. Бу ыһыах бастакы эрэ күнүн түмүгүнэн.