От ыйын 8 күнүттэн ФИДЕ саахымат аан дойдутааҕы федерациятын 100 сылыгар аналлаах «Туймаада үрүҥ түүннэрэ» саахымат бэстибээлэ ыытылла турар.
Бастакы күн саахымат композициятын быһаарарга Арассыыйа кубогын түһүмэҕэ буолан ааспыта. Үс түһүмэҕинэн 17 саахыматчыт кыттыбыта, онтон бастыҥнарынан буолбуттара: 1 м – Урал Хасанов, 2 м – Данила Павлов, 3 м – Екатерина Шестакова, 4 м – Артур Васильев, 5 м – Арсений Чумаевскай.
Бэҕэһээ «Туймаада үрүҥ түүннэрэ» бэстибээл иккис туура – саахымакка түргэн оонньууга аһаҕас күрэхтэһии саҕаламмыта.
Бастакы күн түргэн оонньууга бастакы 4 туур, оттон бүгүн 5-н 11 туурдар ыытыллыахтара диэн СӨ саахымакка федерацията иһитиннэрэр.
Күрэхтэһии саҕаланыытын туһунан СӨ саахымакка федерациятын толорооччу дириэктэрэ, турнир тэрийээччитэ Вячеслав Гаврильев сиһилии кэпсээтэ: «Бэстибээл иккис турнира саҕаланна – бу рапид дьиссипилиинэтэ, ол эбэтэр түргэн оонньуу. Хас биирдии кыттааччыга 15 мүнүүтэ бэриллэр, эбии 10 сөкүүндэ хаамалларыгар эбиллэр. Турнир швейцарскай систиэмэнэн барыа – 11 туур оонньонуо. Кыттааччы ахсаана уопсайа 32, күүстээх састаап, бары саахыматы билэр уонна оонньуу үөрүйэх дьон. Бастакы миэстэ иһин киирсии тыҥааһыннаах буолуо диэн этиэхпин сөп. Саастарынан араартааһын диэн суох, бары кыттааччылар кыратыттан улаханыгар тиийэ бэйэ-бэйэлэрин кытары киирсиэхтэрэ. Маннык тэрээһин биһиэхэ аан бастаан ыытыллар. Онон инникитин күрэхтэһиибит кэҥээн, сайдан иһиэн баҕарабын. Турниры сыл аайы ыытыахпыт диэн эрэнэбит!»
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…