Хаартыска: Мария Васильева, СИА,
Быйылгы «Туймаада ыһыаҕа» байыаннай эпэрээссийэ кыттыылаахтарыгар ананан ыытыллыаҕа. Бу туһунан быһаарыыны Дьокуускай куорат дьаһалтатын салайааччы Евгений Григорьев ылла. Саха төрүт бырааһынньыгар буойуттарга анаммыт алгыс этиллиэҕэ.
Арассыыйа дьоруойун аатын сүкпүт “Боотур-1” доброволецтар этэрээттэрин хамандыыра Александр Колесов бу быһаарыыны олус сөптөөҕүнэн ааҕарын биллэрэр:
— Туймаада Ыһыаҕын кэмигэр, байыаннай дьайыы кыттааччыларын алгыстаан саха норуота түмсүөҕэ. Саха омук үрдүк айыыларга сүгүрүйэр, байыастар санааларын бөҕөргөтүөхтэрэ диэн эрэнэбит. Кинилэр дьиэ кэргэттэригэр кыайыылаах төннөн кэлэллэригэр айыылар көмөлөстүннэр.
Байыаннай эпэрээссийэ кыттыылаахтара куорат олохтоохторун уонна ыалдьыттарын бырааһынньыкка кэлэн көхтөөхтүк кытталларыгар, кыайыыга төһүү күүс буолалларыгар ыҥыраллар. Куорат салайааччыта Евгений Григорьев бэйэтин телеграм-ханаалыгар ыһыахха “Кыайыы” куораттааҕы аһымал пуондаҕа үп хомуура буоларын туһунан биллэрдэ. Түһүлгэлэргэ, тырааныспардарга, маассабай тэрээһиннэр ыытыллар сирдэригэр QR-куод ойуулаах биллэриилэр баар буолуохтара. Ону таһынан “Кыайыы волонтердара” дьааһыктаах сылдьан дьон көмөтүн хомуйуохтара.
«Туймаада ыһыаҕа – 2023” бэс ыйын 24-25 күннэригэр “Үс Хатыҥҥа” ыытыллыаҕа.
Ыһыах “Дьокуускай — килбиэннээх үлэ куората” диэн девизтээх Учуутал уонна уһуйааччы сылыгар ананан ыытыллар. Саха халандаарынан куорат ыһыаҕа Айыы Дьөһөгөй сылыгар ананар.
Ахсынньы 8 күнэ. Айсен Николаев РФ Бэрэсидьиэнигэр стратегическай сайдыыга уонна национальнай бырайыактарга Сэбиэт мунньаҕар кытынна.…
Дьокуускайтан Москваҕа, Санкт-Петербурга, Сочига, Владивостокка уонна атын куораттарга субсидиялаах авиабилиэттэр атыыга таҕыстылар. Ону таһынан Нерюнгриттан…
Ил Дархан «Доруобуйа харыстабылын сайыннарар уонна дьон доруобуйатын бөҕөргөтөр стратегическай хайысхалар тустарынан» ыйааҕар сөп түбэһиннэрэр,…
Өймөкөөн улууһугар борокуратуура ирдэбилинэн, киһини өлөрүүгэ сууттаммыт буруйдаах өлбүт киһи аймахтарыгар 1,3 мөлүйүөнтэн тахса солкуобайы…
Бу күннэргэ киин улуустарга тымныы күн-дьыл туран, үгүспүт хаһан сылыйарын кэтэһэн эрэбит. Норуот синоптига Тускул…
Үүнэр саҥа сыл бастакы 12 күнүн хайдах атаараҕын да, сылыҥ оннук ааһыа. Ол эбэтэр, биир…