Хаартыскаҕа Андрей Сорокин түһэриитэ, СИА
Бүгүн Ил Дархан Айсен Николаев Тулагыга сырытта.
Кини онно 2022 сыллаахха ахсынньыга үлэҕэ киирбит амбулаторияны көрдө-иһиттэ. Үлэни-хамнаһы билсэн баран, суолун-ииһин аспааллыырга, сиригэр-уотугар үүнээйини олордорго эттэ.
«Биһиэхэ бастакынан, Саха сирин хас биирдии олохтооҕо мэдиссиинэ өҥөтүнэн туһанара кыаллымтыа буолуохтаах диэн сорук турар. Тыа сирин олохтоохторо хаачыстыбалаах мэдиссиинэ көмөтүнэн туһаныахтаахтар. Ол иһин, «Доруобуйа харыстабыла» национальнай бырайыагынан доруобуйа харыстабылын бастакы сүһүөх звенотун саҥатытан оҥоруунан, манна эргэ мас амбулатория оннугар саҥа тутуллубута«, — диэн этэр Айсен Николаев.
Дьокуускай куорат мэдиссиинэҕэ киинин кылаабынай бырааһа Евгения Маркова куорат таһынааҕы сэлиэнньэлэр пациеннара мэдиссиинэ саҥа тэрилтэтиттэн астыналларын, үөрэллэрин бэлиэтиир. Тоҕо диэтэххэ, аны билигин, кинилэр Дьокуускайга киирэ сатаабакка, дьиэлэрин таһыгар баран мэдиссиинэ көмөтүн ылар кыахтаахтар.
«Саҥа амбулаторияҕа Тулагы, Капитоновка, Сыырдаах уонна Киллэм олохтоохторо, барыта 4300-тэн тахса киһи сылдьар. Манна терапевт, акушер-гинеколог, ЭКГ, быһыы туруорар хостор бааллар. Анаалыс ылаллар. Маны таһынан, Жатай поликлиникатыттан, Дьокуускай куорат мэдиссиинэҕэ киинин поликлиническай отделениеларыттан эмиэ кэлэн көрөллөр. Маны сэргэ, амбулаторияҕа күнүскү стационар үлэлиир«, — диэн сырдатар Евгения Маркова.
Рентгеҥҥэ Жатай поликлиникатыгар түһэллэр. Онон дьоҥҥо табыгастаах буоллун диэн олохтоох дьаһалтаны кытта сүбэлэһэн Тулагыттан, Кангаласстан Жатайга диэри 111 №-дээх оптуобус сылдьарын тэрийбиттэр.
Амбулатория аныгы үйэ ирдэбилигэр эппиэттиир тэриллэрдээх, саҥа миэбэлэ толору. Мэдиссиинэ каадырдарынан, ол иһигэр «Земскэй доктор» бырагыраама көмөтүнэн 100% хааччыллыбыт.
Сиһилии https://www.sakha.gov.ru/news/front/view/id/3365423 манна көрүҥ.
СӨ Ил Дархан уонна Бырабыыталыстыба пресс-сулууспата
Хаартыскаҕа Андрей Сорокин түһэриитэ, СИА
Роспотребнадзор иһитиннэрэринэн, ааспыт нэдиэлэҕэ өрөспүүбүлүкэ үрдүнэн 10 659 киһи ыалдьыбыта бэлиэтэммит. Үһүс нэдиэлэтин ОРВИнан уонна гириибинэн…
ИДьМ Алдан оройуонунааҕы салаатын Госавтоинипсиэксийэ отделын үлэһиттэрэ урут сууттана сылдьыбыт 35 саастаах эр киһи сымыйа…
Арассыыйа бэрэсидьиэнэ Владимир Путин "Илиҥҥи экэнэмиичэскэй пуорум-2025" түмүгүнэн кэккэ сорудахтар испииһэктэрин бигэргэттэ. Испииһэккэ сэдэх металлары…
Дьокуускайга «Норуот уонна аармыйа — биир сомоҕо» III өрөспүүбүлүкэтээҕи фашизмы утары пуорум чэрчитинэн байыаннай-бэлитиичэскэй үлэҕэ Илиҥҥи…
СӨ Силиэстийэлиир кэмитиэтин Ленскэй оройуонунааҕы салаата хомуйбут дакаастабыла 30 саастаах, эрдэ хас да төгүл сууттана…
Абый улууһугар сеймсологическай түгэн буолбутун туһунан Дьокуускайдааҕы филиалга “Билим Арассыыйатааҕы академиятын единэй геофизическэй сулууспата” киин…