Хаартыска Дьокуускай куорат дьаһалтатын пресс-сулууспатыттан
Арассыыйаҕа киинэ күнүн көрсө, Саха сиригэр умнуллубат үөрүүлээх бэлиэ тэрээһиннэр буоллулар.
Ол курдук, «Экстра Синема» технологиятынан киинэ көрөр саалалар баар буоллулар диэн Дьокуускай куорат дьаһалтатын пресс-сулууспата иһитиннэрэр.
Үөрүүлээх тэрээһиннэр СӨ киинэ уопсастыбатын I кэмпириэнсийэтинэн, «Якутия – новый центр кинопроизводства России» сиэссийэ иитинэн ыытылыннылар.
Бу күн киинэ көрөр саҥа саалалар култуура дьиэлэригэр Алдан, Амма, Бүлүү, Үөһээ Бүлүү, Кэбээйи, Нам, Өймөкөөн, Сунтаар, Хаҥалас, Чурапчы оройуоннарын нэһилиэктэригэр уонна Тулагыга арылыннылар. Бу үөрүүлээх тэрээһиннэр Ил Дархан Айсен Николаев уонна «Экстра Синема» ХЭЦо генеральнай дириэктэрэ Петр Чиряев кыттыылаах онлайн-киэбинэн ыытылыннылар.
Тулагыга М.П Обутова-Эверстова аатынан култуура киинигэр аһыллыбыт киинэ саалата саҥа тэрилинэн хааччыллыбыт. Бу култуура киинин сэбиэдиссэйэ Максим Игнатьев:
«Култуура эйгэтин үлэһиттэрэ улахан болҕомтолорун, кыһамньыларын нэһилиэнньэ сынньалаҥын тэрийиигэ уураллар. Бу бырайыак баар буолан, Тулагы-Киллэм олохтоохторо үчүгэй киинэлэри киэҥ экраҥҥа көрүөхтэрэ», — диэн этэр.
Тулагылары киинэ көрөр саҥа саалаламмыттарынан Дьокуускай куорат дьаһалтатынө култуураҕа уонна духуобунай сайдыыга управлениетын начаалынньыга Индира Ли уонна Дьокуускай куорат уокуруктааҕы норуот айымньытын киинин дириэктэрэ Петр Пестряков эҕэрдэлээтилэр.
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…