Тулагы оскуолатыгар оҕону кырбааһын түбэлтэтинэн миэрэ ылыллыаҕа

Социальнай ситимнэргэ П.И. Кочнев аатынан Тулагы орто оскуолатыгар иирсээн туһунан иһитиннэрии тарҕана сылдьар. 

Дьокуускай куорат дьаһалтатын үөрэххэ управлениета уонна үөрэх министиэристибэтэ бу  сокуоннай сааһын туола илик оҕону кырбааһын түбэлтэтинэн чинчийиини ыыта сылдьаллар.

Бу чинчийии түмүгүнэн, инникитин маннык түбэлтэлэр тахсыбаттарын туһугар, тустаах миэрэлэр ылыллыахтара диэн Дьокуускай куораттааҕы үөрэх управлениета иһитиннэрэр.

Маны тэҥэ, бу туһунан иһитиннэриини Сокуоннай саастарын туола илик оҕолор дьыалаларын хамыыһыйатыгар (КДН) ыыппыттар. Манна эмиэ миэрэ ылыллыаҕа.