Хаартыска: Марта Николаева тиксэриитэ
П.И.Кочнев аатынан Тулагы агро-орто оскуолатыгар Судаарыстыбаннас күнүнэн Оһуокай түһүлгэтэ тэрилиннэ.
Оскуола салалтата эрдэттэн былааннаан Оһуокай республикатааҕы сүбэтин кытта былааннаан Оһуокай түһүлгэтин тэрийдилэр. Оһуокай түмсүү сүбэтин бэрэссэдээтэлин солбуйааччылар, СӨ үтүөлээх этээччитэ Данил Пестряков уонна биллэр кынат Айыы Уолана Алаас оскуолаҕа тахсан көрсүһэн киирдилэр. Оһуокай бэрэстэбиитэллэрин оскуола дириэктэрэ Д.В.Андросов, дириэктэр сүбэһитэ Л.Л.Сатырова уонна онус кылаас үөрэнээччитэ, бастыҥ активист Артем Ларионов истиҥник көрүстүлэр,оскуола үлэтин билсиһиннэрдилэр.
Оскуола 720 үөрэнээччилээх, икки сменанан үөрэнэллэр. Республикаҕа агро-оскуолаларга биир бастыҥ үлэлээх. Ынах сүөһүнү туталларын таһынан оҕуруот аһын олордуутунан дьарыктаналлар,1500 кууруссалаахтар. 2022 сыллаахха Москваҕа күһүҥҥү дьаарбаҥкаҕа кыттан уон кыһыл көмүс мэтээлинэн наҕараадаламмыттара. 2023 сыллаахха халбаһыы сыахтарын оҥоһугар 27 мэтээли ылбыттара. Быйыл «Инники хардыы» кэмпириэнсийэҕэ 7 үөрэнээччи призер аатын ылбыттара. Икки үөрэнээччи Арассыыйа национальнай бириэмийэтинэн наҕаарадаламмыттара.
Үтүөлээх этээччи Данил Пестряков Оһуокайын түһүлгэтигэр түөрт сүүстэн тахса оҕо киирэн үҥкүүлэстэ. Данил Михайлович республика Судаарыстыбаннаһыгар өҥөлөөх бэлиитиктэрбит ааттарыгар сүгүрүйэн туран, оҕолор төрөөбүт дойдуларыгар туһалаах дьон буолалларыгар анаан үҥкүү тылын таһаарда. Оҕолор сахалыы мусукаалынай инструменынан доҕуһуоллаатылар. Урукку өттүгэр Оһуокайы үҥкүүлээбэтэх оҕолорго бэртээхэй тэрээһин бурлла.
Марта Николаева
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…