Хаартыска Дьокуускай куоракка Уопсастыбаннай кииниттэн
Бэҕэһээ Дьокуускай куоракка Уопсастыбаннай кииҥҥэ Аҕа дойду көмүскээччитин уонна Саха сиригэр Ийэ дойду көмүскээччи сылларыгар аналлаах «Туллук – эйэ уонна үтүө санаа бэлиэтэ» волонтердар пуорумнара буолан ааста.
Пуоруму «Арассыыйа дьиэ кэргэнэ» национальнай уопсастыбаннай кэмитиэт эрэгийиэннээҕи салаата (салайааччы Л.П. Ефремова) уонна «Туймаада волонтердара» уопсастыбаннай тэрилтэ (салайааччы А.С. Титова) тэрийэн ыыттылар. Тэрээһиҥҥэ Арассыыйа Дьоруойа Филипп Евсеев кэргэнин Светлана Александровнаны кытта, Арассыыйа Дьоруойа Радомир Максимов-Бурхат ийэтэ Варвара Максимова кытыннылар.
Пленарнай мунньах оскуола иннинээҕи үөрэх тэрилтэлэригэр гражданскай-патриотическай иитии уонна волонтерскай үлэ боппуруостарыгар ананна. Пуорумҥа «Туллук – эйэ уонна үтүө санаа бэлиэтэ» бырайыак кыттыылаахтарын, Дьокуускай куорат оскуола иннинээҕи үөрэҕин тэрилтэлэрин көҕүлээһиннэрин волонтерскай үлэлэрин презентацията буолла. Бэлиэтээн эттэххэ, билигин бу хамсааһыҥҥа өрөспүүбүлүкэ уһуйааннара көхтөөхтүк киирэн эрэллэр.
«Туллук – эйэ уонна үтүө санаа бэлиэтэ» бырайыагынан бу сылга волонтер оҕолору кытта үлэлииргэ ыйдарынан былаан оҥоһулунна. Үлэ-хамнас барыла киэҥ, оҕолору патриотическай иитиигэ туһуламмыт былаан улахан көмө буолара саарбаҕа суох. «Мичээр» оҕону сайыннарар киин иитээччилэрэ Ирина Терехова уонна Анна Кобякова 2023-24 үөрэх дьылыгар үлэлэммит «Волонтер оҕолор» барыл (ааптардар Т.Д. Максимова , И.В. Терехова ) үлэтин пуорум кыттыылаахтарыгар кэпсээтилэр, уопуттарын атастастылар.
Көхтөөх волонтерскай үлэлэрин иһин Дьокуускай куорат 3-с №-дээх «Катюша», 13-с №-дээх «Светлячок», 82-ки №-дээх «Мичээр» уонна 23-с №-дээх «Цветик-семицветик» уһуйааннар салайааччылара «Саха сирэ эйигин кытары!» уопсастыбаннай хамсааһын махтал суругунан бэлиэтэннилэр.
#МыВместе #ПобеждайДобром #СВОихНеБросаем #ВолонтерыСахаДети
ХИФУ Археологияҕа уонна этнографияҕа түмэлигэр ураты эспэнээт баар – хойукку неолит кэмигэр 4 тыһыынча сыл…
Бүгүн ыраах суоллаах-иистээх Аллайыаха улууһун Бөрөлөөх нэһилиэгэр улуус баһылыга Я.Г.Елисеев отчуота буолан ааста. Яков Гаврильевич…
Социальнай архитектордар куонкурустара РФ Бэрэсидьиэнэ Владимир Путин сорудаҕынан ыытыллар. Социальнай суолталаах бырайыактары олоххо киллэриигэ, ону…
Саха сирин суһал ыстааба Аҕа дойдуну көмүскээччи күнүгэр анаан байыаннай сулууспалаахтарга хас да тыһыынча бэлэҕи…
Күммүт уһаабыта номнуо биллэр. Күнүһүн күн тыган ылара саас иһэрин биллэрэр. Ол эрээри, Тымныы оҕуһун…
Ааспыт сууккаҕа, олунньу 4 күнүгэр, Дьокуускай куоракка 11 суол быһылаана таҕыста. Икки киһи араас эчэйиини…