Тулуна уһуйааныгар аҕа сүбэһит Галина Иванова–Айтыына ыалдьыттаата

Учуутал уонна Уһуйааччы сылынан Тулунатааҕы “Татыйык” уһуйааммытыгар настаабынньыгынан анаммыт педагогическай үлэ бэтэрээнэ Галина Никитична Иванова-Айтыына ыалдьыттаата.

Иитиллээччилэри кытары «Алгыстаах алаһаҕа» атах тэпсэн олорон өбүгэлэрбит олохторун-дьаһахтарын, төрөөбүт тылы, саха фольклорун кыра саастан үөрэтэргэ, харыстыырга, өрө тутарга сүбэлээтэ, сиһилии ырытан кэпсээтэ.
Улахан бөлөх оҕолоро Галина Никитична «Оҕо мичээрэ» хомуурунньугуттан хоһооннорун сэргээн иһиттилэр, ырытыстылар.
Айтыына иитээччилэргэ өр кэмҥэ үөрэх эйгэтигэр үлэлээбит уопутуттан, үлэтигэр туттубут ньымаларын кистэлэҥиттэн үллэһиннэ, сэдэх босуобуйаларын бэлэх уунна.

Александра ВАСИЛЬЕВА, «Татыйык» уһуйаан бас иитээччитэ