Хаартыска:Улуус дьаһалтатын пресс-сулууспата.
Уус Алдан улууһун 2-с Лөгөй нэһилиэгин хайыһардьыттарын бирииһигэр Тулуна бөһүөлэгэр Саха Өрөспүүбүлүкэтин хайыһарга кубогын IV этааба ыытылла турар.
Күрэххэ өрөспүүбүлүкэ бары улуустарыттан, куораттарыттан, оскуола оҕолоро, улахан дьон уонна бэтэрээннэр, уопсайа 180-ча хайыһардьыт кыттыыны ылар
Бу өрөспүүбүлүкэ чулуу хайыһардьыттара түмсүбүт кэмнэригэр Кузбааска ыытыллыбыт «Азия оҕолоро» 2-с кыһыҥҥы оонньууларыгар, хайыһарга «Доҕордоһуу эстафетатыгар» кыһыл көмүс мэтээл хаһаайынынан буолбут Николай Копырины уонна кини тренердарын чиэстээтилэр, улуус баһылыга Алексей Федотов бу үрдүк ситиһиилэринэн эҕэрдэлээн туран, харчынан бириэмийэлэри туттарда. Маны сэргэ «Азия оҕолоро» кыһыҥҥы оонньууларын хайыһар көрүҥэр ситиһиилээхтик кыттыбыт Николай Охлопковка, оонньуулары арыйыы дьоро тэрээһинигэр Өрөгөй ырыатын ситиһиилээхтик толорбут Россия үтүөлээх коллектива «Кэнчээри» оҕо народнай ансаамбылын салайааччытыгар Василий Парниковка уонна ансаамбыл иитиллээчилэригэр улуус дьаһалтатын аатыттан махталын тиэртэ.
Бу күн тулуналарга өссө биир үөрүүлээх түгэн буолла. Ол курдук «Спорт норма жизни» федеральнай бырайыак чэрчитинэн ыытыллар «Человек идущий» Бүтүн Россиятааҕы хаамыы күрэҕэр кыттыыны ылбыт, Раиса Троева хапытааннаах «Тулуна хаамар» хамаандата, «Каждому муниципалитету — маршрут здоровья» күрэххэ кыттан, хамаанда хас биирдии чилиэнэ, күрэх балаһыанньатынан, күн ахсын 25 тыһыынча хардыыны оҥорон, уопсайа 343 тыһыынча очкуону ылан, 520 хамаандаттан 3 бочуоттаах миэстэни ылары ситиспит, бу үрдүк ситиһиилэринэн Алексей Васильевич эҕэрдэлээн туран, Москваттан кэлбит боруонса мэтээллэри үөрүүлээх быһыыга-майгыга туттарда.
Улуус дьаһалтатын пресс-сулууспата.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…