Хаартыска: Тулунатааҕы олохтоох библиотека
Бэҕэһээ Уус Алдан улууһун Тулунатааҕы олохтоох библиотекаҕа “Ийэ тылбыт — барҕа баайбыт” тэрээһин буолан ааста.
Икки тыллаах хоһоонньут, тылбаасчыт, биир дойдулаахпыт Валентина Иннокентьевна Комиссарова — Күлүмүрэ айар үлэтигэр олоҕуран, Тулуна алын кылааһын выпускницата, Саха гимназия 5 “б” кылааһын үөрэнээччитэ, “Саха волонтер”, “Күн” өрөспүүбүлүкэтээҕи түмсүүлэр кыттыылааҕа Валерия Акимова “Икки тыллаах хоһоонньут, тылбаасчыт Валентина Комиссарова оҕолорго хоһоонноро” бырайыагын билиһиннэрдэ. В.И. Комиссарова — Күлүмүрэ Уус Алдан Бээрийэтиттэн төрүттээх, идэтинэн быраас, көҥүл хоһоонньут, тылбаасчыт. Хоһоон эйгэтигэр 2010 с. киирбитэ. 2019 с. “Олох көрүгэр кыттыһан” диэн бастакы кинигэтэ күн сирин көрбүтэ. 2021 с. “Дьүөрэл иэйиилэр” диэн тылбааһын, икки тылынан хоһоонун кинигэтэ тахсыбыта. Кини айымньылара “Кыым”, “Эхо столицы”, “Она+” хаһыаттарга, “Күрүлгэн”, “Полярная звезда” сурунаалларга бэчээттэммиттэрэ. Үгүс хоһоон күрэхтэрин кыайыылааҕа, дипломана.
Бэтэрээн учуутал Зинаида Иннокентьевна Васильева “Киирии тылы билии биһиги олохпутугар оруола” диэн тиэмэҕэ бэсиэдэ ыытта. Убаастабыллаах Зинаида Иннокентьевнаҕа, Валерияҕа олохтоох библиотека аатыттан дьоһун сүбэҕит, кэскиллээх үлэҕэ көхтөөхтүк, ситиһиилээхтик кыттаргыт иһин истиҥ махталбытын этэбит! Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турдун!
Тулунатааҕы олохтоох библиотека
Ханнык баҕарар оскуола оҕотун ахсаанынан буолбакка, бу үөрэх кыһатын дорҕоонноохтук ааттатар үөрэнээччилэринэн аатырар. Майа орто…
Элбэх оҕолоох Сиипсэптэр диэн ыал хотун ийэлэрэ Сардаана Аркадьевна түүн үчүгэйдик утуйбакка, уутун хаммакка, төбөтө…
Саха сирин булчуттара тайаҕы бултааһын тиэмэтин туһунан өрүү сэргииллэр. Онон бу боппуруоска санаабын үллэстиэхпин баҕарабын. …
Орто дойдуга олох баарын тухары үрүҥ, хара алтыһыытын курдук эйэлээх олох элэккэй тыынын өһөгөйдөөх күүс…
Олунньу 7-8 күннэригэр Хаҥалас улууһун Иккис Малдьаҕар нэһилиэгэр Улахан Ааҥҥа Бөртө Оһуокайа ыытылынна. Хаҥалас улууһун…
Литература, тыл кэскилин кэҥэтэр соруктаах үлэҕэ оҕо литературатын айыы, сайыннарыы улахан суолталаах. Үрдүк хаачыстыбалаах оҕо…