Дьокуускайга туман сөмөлүөт көтөрүгэр, паром устарыгар мэһэйдээтэ

Бүгүн, алтынньы 3 күнүгэр, Дьокуускайга туман түһэн, сөмөлүөт көтөрүн уонна паром устарын харгыстаата.

Дьокуускайтан Аллараа Бэстээххэ диэри айанныыр 13 паром тохтоон турар. Бу туһунан «Саха сирин паромнара» дириэктэрэ Николай Ефимов иһитиннэрэр. «Ааспыт нэдиэлэҕэ курдук, эмиэ туман ааһарын күүтэбит», — диэн кини этэр.

Оттон Дьокуускай аэропордугар сарсыарда 7 аҥаар чаастан 10 рейс көппөккө турар диэн онлайн-табло көрдөрөр.