Туман түһэр, сорох сиринэн -53°С кыраадыска диэри тымныйар

Саха сиринээҕи УГМС саайта иһитиннэрэринэн, бүгүн, олунньу 18 күнүгэр, өрөспүүбүлүкэ хотугулуу-арҕаа уонна арҕаа өттүгэр кыралаан, сорох сиринэн орто хаар түһэр. Тыала орто күүстээх.

Салгын температурата түүнүн -42-47°, хотугулуу-илин, хотугулуу-арҕаа хотоол сирдэринэн -48-53°, соҕуруу -27-32°, арҕаа -22-27°, намыһах сирдэринэн -32-37°.

Күнүс -27-32°, хотугулуу-илин хотоол сирдэринэн -38-43°, хоту -35-40°, соҕуруу -20-25°, арҕаа -11-16°, соҕуруулуу-арҕаа -6-11° тымныы буолар.

Дьокуускайга сөҥүүтэ суох, түүнүн уонна сарсыарда туман. Түүнүн тыала мөлтөх, күнүс соҕуруулуу-илинтэн сөкүүндэҕэ 2-7 м түргэннээх. Салгын температурата түүнүн -40-42°, күнүс -28-30° кыраадыс тымныы.