“Тумул” кэпэрэтиип үс звенота оттуур

Саха сиригэр “Тумул” тыа хаһаайыстыбатын  кэпэрэтиибэ үлэтинэн биир тарбахха баттанар хаһаайыстыба. Сайыҥҥы былдьаһыктаах күннэри баттаһа, кэпэрэтиип үс звенота бэркэ турунан оттуу сылдьар. Уопсайа 21 киһи оттооһуҥҥа кыттар, уонча тиэхиньикэ үлэлиир. Өрүскэ оттуур звено көспүтэ ырааппыт.

Хаһаайыстыба кылаабынай агронома Тимур Десяткин этэринэн, сорох алаастар төһө да ууга барбыттарын үрдүнэн, от үүнүүтэ хойуу. Быйыл отчуттар 600 гектарга охсуохтаахтар. Өссө өрүскэ 100 тахса ганы арендаҕа ылбыттар. Кыстыгы этэҥҥэ туоратар туһугар 900 т оту кэбиһиэхтээхтэр.

Туруу үлэһиттэр 400 т сиилэһи угар былааннаахтар. 500 гектарга бурдук  ыспыттара. Онон үлэ-хамнас күөстүү оргуйар.