Хаартыска Тускулаана Горохова-Кобельянова тиксэриитэ
Сунтаарга Кутана сэлиэнньэтин иһинэн Тумул диэн учаастак баар. Манна олохтоох дьон сайылыыр эрэ эбит буоллахтарына, кэнники сылга биллэ сэргэхсийдэ. Быйыл Тумулуга үс мэндиэмэннээх таас түмэл тутулунна.
«Тумулга үс мэндиэмэннээх таас түмэл тутуллубут үһү», — диэн уруккулуу ыҥырыынан икки сүүс киһи тоҕуоруһа түмсэн, умнуллубат күн ааста. Ытык маска сахалыы, күлүнэн бэлиэтэнэн, Аар Кудук чэрчи маһы анньан баараҕай түмэл аанын тэлэйэ аста. Түмэли Бу Тумултан тɵрүттээх, «Уран Саха» салайааччыта, уран уус Лука Егоров биэс сыл устата тутан дьэндэттэ.
Кулуһуҥҥа буспут ис миининэн, биэ кымыһынан күндүлэнэн, оһуохай дьиэрэйдэ, ыһыах дьоро түгэнин санатта. Тэрээһиҥҥэ Лена Егорова 93 сылтан хомуйбут ахтыыларын түмэ тардан, Анетта Егоровалыын «Ытык Тумул» диэн кинигэни сүрэхтээтилэр.
Салгыы Тумултан тахсыбыт сулус, Социалистическай үлэ Дьоруойун Дмитрий Андреев аатын үйэтитэн олус тупсаҕай, кэрэ кɵстүүлээх искибиэр арылынна. ϴйдɵбүнньүк улуус, нэһилиэк дьаһалталарын уонна дьоннорун кɵмɵлɵрүнэн тутулунна.
Тумуллар Дьокуускайтан, Амматтан тиийэ кэлэннэр олус астыммыттарын, дьолломмуттарын биллэрэллэр.
Аны доҕоттоор, Саха сирин норуотун маастара, уран уус Владимир Куприянов кэргэнинээн Ольгалыын «Ытык Тумул» диэн сынньанар түһүлгэни спыттарын кɵрɵн кэрэхсээтибит.
Тускулаана Горохова-Кобельянова,
Сунтаар.
Хаартыскалар Т.Горохова-Кобельянова тиксэриилэрэ
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…