Тумуллар оскуола өрөмүөнүн туруорсаллар

Бэҕэһээ, олунньу 20 күнүгэр, Хаҥалас улууһугар Саха Өрөспүүбүлүкэтин ситэриилээх былааһын уорганнарын отчуота саҕаламмыта. Бөлөҕү СӨ Бырабыыталыстыбатын бэрэссэдээтэлин солбуйааччы Анатолий Семенов салайар. 
— Никита Гаврилович Соломонов төрөөбүт сиригэр Тумулга отчуот кэмигэр сылдьан, суолу-ииһи, тутуу, ОДьКХ эбийиэктэрин, олохтоохтору кытта оскуола өрөмүөнүн боппуруостарын дьүүллэстибит. Уһулуччулаах учуонай Никита Гаврилович Соломонов аатын үйэтитэр дьаһаллар чэрчитинэн кини аатынан түмэли өйүүргэ кэпсэттибит.

Тумул нэһилиэгэ кэрэ айылҕалаах — Өлүөнэ очуостарын утары турар улахан туристическай кыахтаах нэһилиэк. Инникитин манна туристическай маршруттары ырытан оҥоруу уонна инфраструктураны сайыннарыы былааннанар, – диэн СӨ Бырабыыталыстыбатын Бэрэссэдээтэлин солбуйааччы Анатолий Семенов ТГ-ханаалыгар суруйар.