Хаартыска: "Тундра" устуудьуйа
«Тундра» устуудьуйа Саха сириттэн бастакынан «Народ меняет страну» национальнай бириэмийэнэн наҕараадаланна. Саха сирин аниматордарын үлэлэрэ Арассыыйа үрдүнэн сыаналанарын бигэргэттилэр.
Устуудьуйа дириэктэрэ Роман Оконешников Москваҕа бириэмийэни туттарыыга сырытта.
— Бэйэбит олохпутугар олоҕуран мультик айабыт. Оҕо сааспытыгар биһигини туох тулалыырын: төрөппүттэрбититтэн бэриллибит саха норуотун култууратын, үгэстэрин кэпсиибит, үүнэр көлүөнэҕэ биһиэхэ суолталаах сыаннастары — доҕордоһууну, бэйэ-бэйэҕэ көмөлөһүүнү, дьиэ кэргэҥҥэ бэриниилээх буолууну иҥэрэргэ дьулуһабыт. Оҕону иитии, саха тылын харыстааһын, айар индустрияны сайыннарыы — бу биһиги бэйэбитигэр туруорбут сүрүн соруктарбытыттан сорохторо. Бу соруктары федеральнай таһымҥа үллэстэллэрэ олус үчүгэй. Иннибит диэки барарга саҥа кыахтар, хамаанда кэҥээһинэ уонна инвестициялар наадалар. Үүнүүгэ, улахан соруктарга бэлэммит, — диэн Роман үллэһиннэ.
«Тундра» устуудьуйа оҕолорго Саха сирин туһунан кылгас ойуулуктары таһаарбыта: «Бык Холода», «Муҥха», «Таҥха» ойуулуктары аан дойдутааҕы киинэ бэстибээллэрэ үрдүктүк сыаналаабыттара. Билигин устуудьуйа толору метражтаах ойуулугу, анимационнай сериалы уонна уус-уран киинэни устар былааннаах.
Кыбартыыраҕа счетчик суох буоллаҕына тымныы уу иһин төлөбүр кээмэйэ икки бүк улаатыаҕа. Бу туһунан дойду…
Үлэҕэ хойутааһын эбэтэр кэлбэт буолуу, кутталлаах быһыы-майгы (силлиэ, буурҕа, хаар хаайыыта) туһунан ЫБММ, метеорологтар эбэтэр…
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…