Туобуйаҕа оҕолорго улуустааҕы хапсаҕай күрэҕэ буолан ааста

Үөһээ Бүлүү улууһун саамай ыраах сытар Туобуйа нэһилиэгэр тохсунньу 29 күнүгэр оҕолорго улуустааҕы хапсаҕай күрэҕэ буолан ааста.

Ааспыт 2025 сыл Улуу Кыайыы 80, Саха сиригэр Ийэ дойду, Арассыыйаҕа Аҕа дойду көмүскээччитин сылларыгар аналлаах уонна үлэһит туруу дьоммут аатын үйэтитэр сыаллаах, Үөһээ Бүлүүгэ биллэр хапсаҕайдьыт, 1973 сыллаахха ыытыллыбыт Манчаары Баһылай 4-с спартакиадатыгар бэтэрээннэргэ бочуоттаах 2-с миэстэни ылбыт, Туобуйа нэһилиэгин олохтооҕо, сэрии бэтэрээнэ Егор Гаврильевич Филиппов аатынан күрэх буолар.
Күрэххэ уопсайа 32 оҕо кыттынна.
Туобуйаны ыраах диэбэккэ, араас нэһилиэктэн элбэх оҕо күрэххэ кытта кэллэ.
Онон кыттааччы элбэх буолан, күрэхпит олус көхтөөхтүк, тэрээһиннээхтик ааста.
Күрэххэ кылаабынай судьуйанан Үөһээ Бүлүүтээҕи ДЮСШ дириэктэрин солбуйааччы, тириэньэр Аял Николаев үлэлээтэ,киниэхэ көмөлөһөөччүнэн Туобуйа нэһилиэгин успуорт инструктора Мария Абрамова үлэлэстэ.
Боковой судьуйаларынан Хомустаах тириэньэрэ Борис Тарасов уонна Туобуйа орто оскуолатын физкультураҕа учуутала Игорь Соловьев үлэлээтилэр.
Күрэх икки бөлөҕүнэн ыытылынна, сүрдээх тыҥааһыннаах, тиритиилээх- хорутуулаах киирсиилэр буолан аастылар.
Кыайыы өрөгөйүн билэн үөрээччи да, тыҥааһыннаах киирсииттэн хотторуу хомолтотун билээччи да баар буолла.
Күрэх түмүгүнэн 1 бөлөх ыйааһыннарынан:
50 кг үөһэ — Туобуйаттан Виктор Николаев 1 миэстэни ылан Туобуйа нэһилиэгин баһаарынай чааһа туруорбут шруповерт бирииһи ылла.
2 миэстэ — Үөһээ Бүлүүттэн Витя Данилов паардаах өтүүгү тутта.
3 миэстэ —
Хомустаах нэһилиэгиттэн Арсен Семенов «ЛЕД» лаампа бирииһи ылла.
50 кг — 1 миэстэни Туобуйаттан Марк Суханов ылан, Туобуйатааҕы ДЭС бирииһин — 6 тыһыынчаны уу харчынан ылла.
2 миэстэни Туобуйа нэһилиэгиттэн Саша Наумов ылан Туобуйаттан төрүттээх, Дьокуускай куоракка олорооччу биир дойдулаахпытыттан «Спининг» ылла.
3 миэстэни Кэнтик нэһилиэгиттэн Айыллаан Кириллин ылан, баттах массыынкатын тутта.
46 кг 1 миэстэни Кэнтик нэһилиэгиттэн Антон Павлов ылан Туобуйа орто оскуолатын аатыттан 5 тыһыынча харчыны бириис ылла.
2 миэстэҕэ Бүлүү улууһуттан Айсиэн Чуруков тахсан, термос бирииһи ылла.
3 миэстэни -Туобуйа нэһилиэгиттэн Кеша Петров ылан,  наушнигынан наҕараадаланна.
42 кг 1 миэстэни Туобуйа нэһилиэгиттэн Эрсан Абрамов ылан, Дьокуускай куораттан Егоров Василий Федорович 5 тыһыынча харчынан бирииһин тутта.
2 миэстэни Кэнтик нэһилиэгиттэн Арсентий Львов тахсан, Үөһээ Бүлүүттэн Платонов Николай Андреевич 3 тыһыынча харчынан бирииһин ылла.
3 миэстэни Туобуйа нэһилиэгиттэн Мирик Баишев ылан, наушнигынан наҕараадаланна.
38 кг — 1 миэстэни Хомустаах нэһилиэгиттэн Айсен Тарасов ылла, киниэхэ олохтоох дьаһалта бирииһин — колонканы туттардылар.
2 миэстэҕэ Быракаан нэһилиэгиттэн Слава Белолюбскай тахсан, наушник ылла.
3 миэстэни Туобуйа нэһилиэгиттэн Кеша Белолюбскай ылары ситистэ, киниэхэ Туобуйатааҕы КСК бирииһэ — тиэрмэс тигистэ.
35 кг — 1 миэстэни — Кэнтик нэһилиэгиттэн Ярик Львов ылан, Дьокуускай куораттан биир дойдулаахтарбыт бириистэрин «Дартс » тутта.
2 миэстэни- Хомустаах нэһилиэгиттэн Кэскил Сидоров ылан, суорҕан бириис тутта.
3 миэстэни — Туобуйа нэһилиэгиттэн Эрчим Лукин ылан , термос ылла.

2 бөлөххө:
60 кг үөһэ —
1 миэстэни- Кэнтик нэһилиэгиттэн Версан Григорьев ылан, Туобуйатааҕы ОДьКХ тэрилтэтин бирииһин колонканы тутта.
2 миэстэни — Туобуйа нэһилиэгиттэн Никита Наумов ылан , рюкзак бирииһи ылла.
3 миэстэни- Хомустаах нэһилиэгиттэн Айсен Алексеев ылан, бинокль бириис ылла.
55 кг — Үөһээ Бүлүүттэн Саян Кузьмин, утарсааччыта суох буолан, бастакы миэстэни быһа ылан, балаакка бирииһи тутта.
52 кг — 1 миэстэни — Туобуйа нэһилиэгиттэн Давид Белолюбскай ылан, Туобуйа орто оскуолатын 5 тыһыынча харчынан бирииһин ылла.
2 миэстэни — Кэнтик нэһилиэгиттэн Давид Ушницкай ылан, наушник тутта.
48 кг — 1 миэстэҕэ Кэнтик нэһилиэгиттэн Эрчим Павлов тахсан, Туобуйа нэһилиэгин «Долгураҥ » түмсүү бирииһин 6 тыһыынча харчыны бириис ылла.
2 миэстэни — Быракаан нэһилиэгиттэн Дима Баянаев ылан, колонка -лампа бириистэри тутта.
42 кг- 1 миэстэни Хомустаах нэһилиэгиттэн Максим Новгородов ылан, Туобуйа баһылыгын бирииһин 5 тыһыынча харчынан наҕараадаланна.
2 миэстэни — Туобуйа нэһилиэгиттэн Спира Донской ылан, тиэрмэс бирииһи тутта.
3 миэстэни — Туобуйа нэһилиэгиттэн Эрчим Винокуров ылан Туобуйа олохтоох бибилэтиэкэтин бирииһин 1500 харчыны тутта.
35 кг — Үөһээ Бүлүүттэн
Дьулустаан Иннокентьев 1 миэстэни ылан, Дьокуускай куораттан биир дойдулаахтарбыт бириистэрин — «Дартс» ылла.
2 миэстэни- Хомустаах нэһилиэгиттэн Валера Васильев ылан, тиэрмэс бирииһи тутта.
3 миэстэни — Кэнтик нэһилиэгиттэн Айгылаан Иванов ылан, наушник бирииһи тутта.
1 бөлөххө — абсолютнай чөмпүйүөн ааты Туобуйа нэһилиэгиттэн Эрсан Абрамов ылла уонна Чурапчы улууһунааҕы физкултуура уонна успуорт салалтатын начаалынньыгын Дьулустаан Егоров бирииһин — бэлэсипиэти тутта.
2 бөлөххө — абсолютнай чөмпүйүөн аатын Кэнтик нэһилиэгиттэн Версан Григорьев ылан, Филиппов Егор Гаврильевич оҕолоро, сиэннэрэ туруорбут 30 тыһыынча харчынан бириистэрин тутта.
Ону таһынан күрэх кыттааччыларыгар анал номинациянан бириистэр олохтоммуттарын туттардылар.
«Саамай кыра кыттааччы» уонна «Кыайыыга дьулуурун иһин» номинациялары иккиэннэрин Эльдар Шологонов ылла.
Күрэх түмүгүнэн Туобуйа нэһилиэгин оҕолоро тустууга үчүгэй тириэньэрдээхтэрэ буоллар, элбэх кыайыыны ситиһиэ эбиттэр диэн сыаналаатым.
Ол курдук Туобуйа оҕолоро Марк Суханов, Давид Белолюбскай олох үчүгэй тустууну көрдөрдүлэр диэн үөрдүбүт да, астынныбыт да.
Күрэх түмүгүнэн көрөөччүлэр, бэйэлэрэ харчы бырахса охсон, Хомустаах нэһилиэгин оҕотугар «Көрөөччү биһирэбилэ» ааты Арсен Семеновка — 6 тыһыынча харчыны уонна тэрийээччилэр ааттарыттан Захар Филиппов 4 тыһыынча харчыны эмиэ бу оҕоҕо биэрдилэр.
Кылаабынай судьуйа, тириэньэрдэр Туобуйа оҕолорун Марк Сухановы, Давид Белолюбскайы инники өттүгэр тустууга ситиһиилэниэ эбиттэр диэн бэлиэтээтилэр.

Түгэнинэн туһанан, бу күрэҕи көҕүлээччи, тэрийээччи сүрүн спонсор Дьокуускай куораттан, Егор Гаврильевич сиэнэ Камила Слепцова Туобуйаҕа кэлэн кыттыыны ылла уонна Туобуйаттан Егор Гаврильевич кыра кыыһа Абрамова Мария Егоровна, уола Захар Филиппов бириистэри бэйэлэрэ туттарбыттара олус үчүгэй, онон кинилэргэ бу улуустааҕы күрэҕи тэрийэн биир дьоро күнү бэлэхтээбиттэригэр, Туобуйа үлэһит туруу дьоно ааттара үйэтитиллэрин, историяҕа хааларыгар кэскиллээх тэрээһини тэрийбиттэригэр барҕа махтал тылларын тиэрдэбит.
Филиппов Егор Гаврильевич аатынан тустуу 25 сыл анараа өттүгэр бастакытын ыытыллыбыта, бу иккис тэрээһин буоларын истэн Аял Леонтьевич инникитин улуус былааныгар киллэрэргэ эттэ.
Онон Туобуйа нэһилиэгин олохтоохторугар умнуллубат дьоро күн буолан аата.
Бу күрэх ыытылларыгар күүс-көмө буолбут Дьокуускай куоракка олорор Туобуйаттан төрүттээх биир дойдулаахтарбытыгар уонна Туобуйа нэһилиэгин тэрилтэлэрин үлэһиттэригэр, орто оскуола дириэктэригэр уонна чуолаан, оскуола асчытыгар Борисова Мотрена Федоровнаҕа күрэхтэһээччилэри уонна тэрийээччилэри босхо эбиэт буһаран аһаппыккытыгар улахан махтал тылларын этэбит.

Зинаида Абрамова,
Туобуйатааҕы култуура дьиэтин уус-уран салайааччыта