Туох кыаллары оҥорууга — бары күүһү!

СӨ Ил Түмэн дьокутаата, «Колми» ХЭТ генеральнай дириэктэрэ Наталья Леонидовна Румянцева быстах байыаннай хомуурунан ыҥырыллан барбыт дьоҥҥо, кинилэр дьиэ кэргэттэригэр ыытар көмөлөрүн туһунан бу курдук кэпсиир:

— Украинаҕа анал байыаннай эпэрэссийэни ыытыы – Арассыыйа бэйэтин туохтан да тутулуга суох политикатын ыытар быраабын туруулаһыытыгар, дойдубут үгэс буолбут сүрүн сыаннастарын уонна Донбасс эйэлээх олохтоохторун көмүскээһинигэр улахан суолталаах түһүмэҕинэн буолар. Бу кэнники ыйдарга баар быһыы-майгы уопсастыбабыт бары араҥатын, дойдубут хас биирдии дьиэ кэргэнин, олохтооҕун таарыйда.

Биһиги тэрилтэбититтэн ыҥырыллыбыт байыаннай сулууспалаахтарга үлэлэрин миэстэтин оннунан хааллардыбыт, экипировкаларыгар анаан үбүнэн көмөнү оҥорбуппут. Кинилэр анал байыаннай эпэрээссийэҕэ кыттар кэмнэригэр хамнастара төлөнө туруоҕа.

Биһиги дьиэ кэргэммит “Барыта Кыайыы туһугар” пуондаҕа тус кылаатын киллэрбитэ. Ону таһынан, биирдиилээн саллааттартан уонна кинилэр дьиэ кэргэттэриттэн киирэр сайабылыанньаларынан көмө оҥоһуллар. Бүтүн Арассыыйатааҕы «Бары бииргэ!” аахсыйа чэрчитинэн саллааттары өйүүр “Саха сирэ эйигин кытта!” уопсастыбаннай хамсааһыҥҥа бронежилеттары, тепловизордары, рациялары, оттук-уматык (ГСМ) булан туттардыбыт.

Бу судургута суох кэмнэргэ өрөспүүбүлүкэбит салалтатын, уопсастыбаннай тэрилтэлэрин, биирдиилээн дьонун өттүлэриттэн элбэх үтүө дьыала, көмө уонна өйөбүл оҥоһулла турар. Сахабыт сирэ байыастарга, кинилэр дьиэ кэргэттэрин өйүүр туһугар туох кыаллары оҥорууга бары күүһүн уурар.