Хаартыска: култуура, духуобунай сайдыы минситиэристибэтэ.
Дьокуускай куорат устуоруйатын түмэлигэр «Якутская керамика: от забвения до возрождения» диэн быыстапка аһылынна. Быыстапканы тэрийиини СӨ Керамистарын сойууһа, «Көмүлүөк» хампаанньа, Арктикатааҕы научнай-чинчийэр киин, ХИФУ археологияҕа, этнографияҕа түмэлэ, Гуманитарнай чинчийии института өйөөтүлэр.
Бу ураты бырайыагынан туой маастардара, учуонайдар холбоһон, өртөн ыла ыра санаа оҥостубут баҕаларын толорон, олоххо киллэрдилэр. Кинилэр саха норуотун умнулла сыспыт былыргы үөрүйэҕин, сатабылын сөргүтэн, аныгылыы тыыннаан, оҥороллор, чинчийэллэр, үөрэтэллэр.
Быыстапка бу былыргы үөрүйэх устуоруйатын туһунан кэпсиир, көрдөрөр. Манна таас үйэттэн «Кулун Атах» култууратыгар, билиҥҥи кэмҥэ тиийэ Саха сиригэр булуллубут түҥ былыргы артефактар, туой үлтүркэйдэрэ бааллар. Туойунан иһити оҥоруу туһунан элбэҕи билиэххэ сөп.
Туой иһит баар буолан, бу сатабылларын умнубатах буолан, сахалар бу муус-хаар дойдутугар кэлэн, тимир иһит суоҕуна, күөс буһарынан, сылаас миини иһэн, итии киллэринэн, тыыннаах ортохторо.
Былыргы иһиттэри уруһуйтан саҕалаан сөргүппүт аныгы үлэлэр туспа көрдөрүүгэ тураллар. Кинилэр көһүйэлэри эрэ буолбакка, чорооннору, чааскылары, кытыйалары, көмүлүөктэри, скульптуралары, о.д.а. оҥорор буолбуттар, сатабылларын салгыы сайыннаран иһэллэр.
Быыстапка Дьиэ кэргэн сылыгар ананар. Матыгыс аҕа ууһун сыдьааннара былыр-былыргыттан туойунан оҥорор идэлээхтэр эбит. Кинилэр сыдьааннара билигин да өбүгэлэрин үөрүйэхтэринэн дьарыктаналлар.
Бырайыак чэрчитинэн, учуонайдар Саха сиригэр туойунан оҥоруу киһи-аймах олоҕор суолтатын туһунан лиэксийэлэри ааҕыахтара, экскурсиялары ыытыахтара. Маны тэҥэ, маастар-кылаастар буолуохтара.
Быыстапка бэс ыйын 15 күнүгэр диэри Дьокуускай куорат устуоруйатын түмэлигэр көрдөрүүгэ туруоҕа.
Түмэл аадырыһа: Дьокуускай к., Аммосов уул., 1/1. Билсэр төл.: 84112402583.
Бэҕэһээ, ыам ыйын 20 күнүгэр, Эдьигээн сэлиэнньэтигэр өрүскэ муус хамсаан, үс суудуна эмсэҕэлээтэ. Онтон иккитэ…
Нам улууһун Түбэ нэһилиэгин олохтооҕо Светлана Атласова 32 урулуон отун халаантан эмсэҕэлээбит Хатырык уонна Маймаҕа…
Арассыыйа Ыксаллаах быһыыга-майгыга министиэристибэтин үлэһиттэрэ Намҥа сэттэ булчуту быыһаатылар диэн ЫБММ пресс-сулууспата иһитиннэрэр. Булчуттар дьиэлэригэр…
Ыам ыйын 17 күнүттэн Москваҕа "Арассыыйа" форум-быыстапка чэрчитинэн ВДНХ 31 №-дээх "Геология" павильонугар "Ирбэт тоҥ…
Бу күннэргэ Алексей Илларионов АйТи оскуолата “Мас-рестлинг” диэн сахалыы оонньууну оҥорон таһаарбыт. Тугун-ханныгын, хайдах оонньонорун…
Саха сирэ Уһук Илин уокуругар демографическай уонна дьиэ кэргэн бэлиитикэтигэр биир бастыҥынан ааттанна. Бу туһунан…